ياسمين الخطيب تكشف كواليس عرض عمل على سما المصري: استغلوا التريند واستفادوا أكتر من الـ50 ألف
تحدثت الإعلامية ياسمين الخطيب عن الجدل الذي أثير مؤخرًا حول الفنانة سما المصري، موضحة أن الأمر لا علاقة له بارتدائها الحجاب كما يعتقد البعض.
وقالت ياسمين الخطيب خلال برنامج مساء الياسمين على قناة الشمس: اتكلمنا عن موضوع سما المصري وبأكد إن ربنا يثبتها ويهديها، لكن الموضوع بعيد كل البعد عن ارتداء الحجاب.
تابعت ياسمين الخطيب: إحنا كنا بنتكلم عن شركة عقارات عرضت شغل عليها بمقابل 50 ألف، ووقتها فريق البرنامج كلم الشركة ولقينا الأرقام وهمية، وإن صاحب الشركة ممثل مسرح وبينتج لنفسه أعمال بيقوم ببطولتها. وقتها اتساءلت: يا ترى موضوع سما بجد ولا يندرج تحت مسمى التمثيل؟
وأضافت: دلوقتي سما قالت مفيش وظيفة، لكن استغلوا التريند وصوروا معاها فيديو، وهما كده استفادوا أكتر من الـ50 ألف اللي دفعوهم.
سما المصري
ومن ناحية أخرى، ظهرت سما المصري في فيديو على حسابها الخاص تيك توك وقالت: استروا عليّ واللي عنده فيديو وحش ليا يشيله أنا تعبانة ومش عارفة أعيش ربنا تاب عليّ، ويا رب اقبلها مني علشان خاطري حبيت أقول مش أنا، ومش هبيّن شعري ولا جسمي تاني، ساعدوني، أنا هقفل كل حاجة، وهكسب بالحلال.
يذكر أن سما المصري ظهرت مؤخرًا في أحد البرامج التليفزيونية وتحدثت عن تفاصيل أزمتها مع المستشار مرتضى منصور، كما كشفت عن العديد من تفاصيل حياتها الشخصية.
