أحمد زاهر يهنئ ابنته ليلى بعيد ميلادها: من يوم ما جيتي الدنيا قلبي اتعلق بيكي
كتبت: أميمة أحمد
حرص الفنان أحمد زاهر على تهنئة ابنته ليلى بمناسبة عيد ميلادها.
ونشر زاهر مجموعة من الصور عبر حسابه الرسمي بـ إنستجرام والتي تجمعه بـ ليلى وعلق عليها قائلا:” كل سنة وانتي طيبه يا روح قلبي يا حبيبتي وصاحبتي وبنتي يا اغلي واحلي بنوته في الدنيا كل سنه وانتي ناجحه ومكسره الدنيا باذن الله من يوم ما جيتي الدنيا وقلبي أتعلق بيكي وشفت الدنيا جميله”.
وأضاف: ” حياتي كلها جميله بوجودك فيها بحبك يا لولتي يا حته من قلبي ويصادف النهارده يوم عيد ميلادك وعرض اول حلقه من اول بطوله ليكي ( هند ) مبروك يا روح قلبي أن شاء الله ربنا هايكرمك وهاتكسري الدنيا وانا متحمس اوي ومستني اتفرج”.
ومن جانب آخر تصدرت ليلى التريند اليوم بعد عرض أولى حلقات مسلسلها الجديد حكاية “هند” المعروضة من ضمن حلقات مسلسل” ما تراه ليس كما يبدو”.
ونشرت ليلى صورتها بجانب مؤلفة المسلسل عبر حسابها الرسمي بـ فيسبوك وعلقت عليها قائلة:” البطلة اللي أنا متصورة معاها دي مش بس مؤلفة مسلسلي الجديد، دي هند البطلة اللي أنا بعمل شخصيتها وبنحكي حكايتها الصعبة جدا والمؤلمة جدا جدا”.
وتابعت:” هند مرت بتجربة مش سهل أن أي حد يخرج منها بخير، لكن هي عدت وركزت في اللي بتحبه وحولت معانتها لقصة مسلسل أنا محظوظة إني بعمله علشان يكون قصة نساعد بيها بنات تانية”
واختتمت:” أنا أسفة إنك مريتي بالوجع ده، وفخورة بيكي أوي إنك عديتيه.. ويا رب حياتك كلها تبقى فرح وسعادة ونجاحات زي ما تستحقي، متحمسة قوي تشوفوا قصة هند ويا رب تعجبكم”.
