والد أنغام لـ one take:” بكره أو بعده بالكتير أنغام هترجع مصر ” 

انتشرت أخبار في الساعات الماضية عن عودة أنغام لمصر خلال الساعات القادمة، وتواصل one take مع الموسيقار محمد علي سليمان والد أنغام للتأكيد منه على حقيقة الأمر .

وقال:” بكرة أو بعده بالكتير أنغام هتكون في مصر أن شاء الله ، التحاليل بتاعتها كويسه لكن هتحتاج فترة نقاهة واستكمال العلاج “. 

وعند سؤاله عن إذا كانت ستعود إلى القاهرة أم الساحل الشمالى كما قيل قال:” هتستقر في منزلها في الساحل الشمالى وهتكمل فترة علاجها هناك ، وهسافر أنا ووالدتها النهاردة عشان نكون في استقبالها لما توصل ، شكرا لجمهورها وعلى دعواتكم ومحبتكم الصادقة ليها “. 

وكان قد كشف الإعلامى محمود سعد عن تطورات الحالة الصحية لأنغام، وذلك عبر حسابه الشخصي على موقع التواصل الإجتماعي الفيسبوك. 

منشور محمود سعد: 

وكتب:” لمحبي انغام الكتير قوي.. قوي قوي، هاقولكم احدث الاخبار مساء السبت من ميونخ، كنت منتظر نتائج التحاليل زي ما قلتلكم في اخر خبر كتبته عن انغام، الحمد لله الأرقام تقترب جدا من الأرقام الطبيعية.. ونصح الأطباء انغام بالمشي خارج غرفتها.. وهي الحمد لله بتاكل بشكل طبيعي. 

وأضاف:” الكلام عن وجود خراج على البنكرياس غير صحيح اطلاقا.. ولم يحدث أي خطأ طبي في العملية.. والمضاعفات اللي حصلت هي المضاعفات اللي ممكن تحصل في النوع ده من الجراحات الكبيرة والخطيرة، وزي ما قلتلكم انغام اختارت المستشفى دي لانها متخصصة في الجراحات الخاصة بالبنكرياس..

وتابع :” كمان انغام لم تخضع لـ ٣ عمليات جراحية زي ما اشيع، واخيرا بالنسبة للألم الحمد لله دلوقتي في تراجع .

عايز اقولكم ان المحنة اللي مرت بيها انغام كشفت عن حالة حب حقيقية في منتهى القوة والصدق.. وهي تستحق ده..

انا اعرف انغام من سنين طويلة وعارف هي تعبت وشقيت قد ايه علشان توصل للي هي فيه.. فحبكم الصادق جدا هو لفنانة صادقة جدا.. وتستحقه، دعواتكم بقى علشان تقوم بالسلامة وت

عبر رحلة الألم والحب..