ده يعلمني أخرس ونص مشاكلي بسبب لساني.. محمد سامي يروي أكثر موقف محرج في حياته
كتبت: أميمة أحمد
تحدث المخرج محمد سامي عن أصعب موقف محرج تعرض له في حياته
وكتب محمد سامي عبر حسابه الرسمي بـ فيسبوك:” كنت في الأسانسير ودخل راجل و مراته، كانو فرافيش جدا والراجل قاللي بلذاذة إن ساعتي عجباه وضحكنا و اتعرفنا وقلتلهم إني مصري وإتبسطوا جدا وزودوها في الإنبساط وقالولي إنهم إنجليز أفورت زيهم وفرحت جدا”.
وتابع:” حبيت أجامل زيادة أنا كمان وبصيت لمراته، ست جميلة و حامل بطنها قدامها متر، ابتسمتلها وسألتها إنتي حامل في ولد ولا بنت ولقيتهم فجأه سكتوا والست بصتلي بقرف و قلبت وشها و قالتلي إنها مش حامل أصلا وهنا أنا حسيت إني نفسي الأسانسير يقع ونموت إحنا التلاتة ومعانا الطفل اللي هي مش حامل فيه”.
واختتم:” أكتر موقف اتكسفت فيه فحياتي وربنا ما يحط حد في موقف شبهه، باب الاسانسير اتفتح طلعت أجري كأني حرامي موبيلات، وده يعلمني بعد كده أخرس لأني نص مشاكل حياتي سببها لساني”.
ومن جانب آخر آثار المخرج محمد سامي مؤخرا حالة من الجدل بعد إعلان اعتزاله الإخراج، وكانت آخر أعمال المخرج محمد سامي مسلسلي “سيد الناس” و “إش إش” واللذان عرضا له في السباق الرمضاني الماضي وحقق نجاحاً لافتا من خلالهما.
