محمود سعد يرد على شائعات تدهور حالة أنغام الصحية” الأهم تدعوا لها”
كشف الإعلامي محمود سعد آخر تطورات الحالة الصحية، للنجمة أنغام بعد تعرضها لأزمة صحية مؤخرًا، حيث خضعت لعملية جراحية خلال الأيام الماضية، كما رد على الشائعات التي ترددت حول تدهور حالتها الصحية.
وقال محمود سعد عبر حسابه على فيس بوك: «عايز أطمنكم على أنغام لأن في أخبار كتير بتتنشر مش صحيحة.. لسه تداعيات الجراحة مسببالها ألم والأعراض الجانبية للعملية تستدعي بقاءها في المستشفى أيام أخرى لغاية ما يسيطروا عليها.. أنا باطمنكم عليها أول بأول علشان تبقوا عارفين الأخبار الدقيقة بعيدا عن الشائعات وعلشان طبعا وده الأهم تدعوا لها».
وأضاف محمود «لكل جمهور أنغام اللي بيسألوا عليها طول الوقت.. كان في اتصال من دقائق علشان أطمن على صحتها.. حتى هذه اللحظة انغام بتعاني من ألم شديد جدًا».
كانت بدأت تاكل من أيام لكن دلوقتي في تراجع بسبب الألم.. تحاليلها فيها أرقام كويسة الحمد لله وارقام تانية لسه مش مظبوطة وعلشان كده يمكن يعملوا تدخل غير جراحي الفترة اللي جاية».
وتابع: «مفيش أي كلام حاليا على موعد خروج من المستشفى.. دعواتكم ربنا يخفف عنها الألم ويتم شفاءها وترجع بألف سلامة إن شاء الله».
