إيناس مكي: أنا إيناس مكي مش أحمد مكي.. “كفاية قلة ذوق”

عبّرت الفنانة إيناس مكي عن انزعاجها من أسئلة بعض الصحفيين عن شقيقها الفنان أحمد مكي. 

وكشفت من خلال لقائها بـ One Take في ختام مهرجان المسرح القومي المصري، عن سبب انفعالها لتكرر سؤالها عن شقيقها معبرة عن استيائها من تكرار الحديث في كل مقابلة إعلامية.

وقالت إيناس: “بيبدأوا الحوار معايا كويس، وبعد شوية يرجعوا يسألوا عن أحمد! ده قلة ذوق.. أنا إيناس مكي مش أحمد مكي، اسألوني عن شغلي وحياتي الفنية أنا.”

وأضافت: “بصراحة زهقت، كل مرة أجاوبهم وأدي تفاصيل عن أحمد ألاقي الحوار كله قلب وبقى عنه. مع إن وارد جدًا نشتغل سوا في عمل قدام، بس لحد ما يحصل كده المفروض الأسئلة تخصني أنا.”

وتابعت مؤكدة: “اللي عايز يعرف حاجة عن أحمد يسأله هو شخصيًا، لأن ده الصح مهنيًا. وبكررها: بلاش قلة ذوق.. أنا إيناس مش أحمد.”