نجوى فؤاد تستغيث : مش عايزة أعيش في دار مسنين ومعاشي 600 جنيه

وجهت الفنانة نجوى فؤاد نداء استغاثة إلى وزير الثقافة الدكتور أحمد فؤاد هنو، بعد تعرضها لوعكة صحية حالت دون استمرارها في مزاولة نشاطها الفني، ما أدى إلى توقف مصدر دخلها وتفاقم أزمتها المالية نتيجة نفقات العلاج.

وقال نجوى فؤاد في رسالة موجهه لوزير الثقافة، خلال مداخلة هاتفية لها فى إحدى البرامج التليفزيونية، حيث قالت: اهتموا بينا شوية إحنا الجيل اللي خد ملاليم مش ملايين، ودخلنا معروف عايزين نعيش عيشة آدمية حلوة. 

وتابعت نجوى فؤاد: أنا مش عايزة أعيش في دار مسنين، أنا ساكنة في بيت إيجار، ومعنديش بيوت تمليك ولا محلات قفلاها، والعلاج بقى غالي، وكشف الدكاترة بقى نار، والعيشة صعبة انتبه لينا شوية، دي حاجة أنا مشوفتهاش في حياتي. 

واختتمت نجوى فؤاد حديثها: ببحث على مشروع صغير لأن معاشي ٦٠٠ جنيه في الشهر، دول ميجيبوش عيش، هدور على حاجة أشتغلها، قضيت عمري كله في المشوار الفني، مع الناس اللي حبتني هسعى على شغل واللي يدور يلاقي، والأعمار بيدي الله محدش عارف عمره إمتى؟

وجدير بالذكر أن آخر أعمال الفنانة نجوى فؤاد مشاركتها في مسلسل تلت التلاتة الذي عُرض في موسم شهر رمضان عام 2023.