مراته قفشته بيخونها.. واعترف انه عاش المساكنة.. مألحدش ومبيتبعش شيخ الأزهر.. وراح برنامج رامز علشان الفلوس وكان عارف المقلب.. أسرار يكشفها كريم فهمي لأول مرة..
تصريحات صادمة
تصريحات صادمة لكريم فهمي قلبت الدنيا على السوشيال ميديا خلال الساعات اللي فاتت.. واللى اعترف فيها بحاجات كتير صادمة واسرار كشفها لأول مرة..
وخلال حواره في برنامج كتاب الشهرة.. رد كريم لأول مرة عن اتهامات تسببه هو ومراته في طلاق أحمد فهمي وهنا الزاهد.. وإن هما كانوا أساس المشكلة.. وقال كريم امه مبيحبش يتكلم عن اي شخص يخصهم أو كان يخصهم.. وان مش من الصح إنه يتكلم عليها في برنامج.. وأكد أنه والعيلة مضغطش على احمد سواء في الجواز من هنا أو الانفصال عنها..
https://www.facebook.com/share/v/JfK3fE5RHikLj8Ux/?mibextid=oFDknk
عاش المساكنة
واعترف فهمي أنه عاش تجربة المساكنة قبل الجواز.. وأنه مبيحبش انه يلبس ثوب الفضيلة.. وأنه هو مبيحبش يجاهر بالمعصية.. بس بردو مبيحبش يتصنع في الدين.. وأنه عمل وبيعمل حاجات غلط وقال إن 80٪ من الشباب مرورا بالمرحلة دي وعاشوا المساكنة.. وفي نفس السياق قال انه مبيتبعش شيخ الازهر الشيخ احمد الطيب في كل حاجه.. لا يوافقه ولا يعارضه.. ويعتمد على القراية الكثير في كل المواضيع خاصة في الدين.. لكن ميقدرش يناقش حد في كد..
الإلحاد والخيانة
وده اللى خدوا لنقطة الإلحاد.. الل أكد أنه مفكرش فيها أبدا.. لكن ده ميمنعش انه عنده تساؤلات كتير.. زي مثلا ليه بيحصل كده في اخواتنا في القطاع وليه ربنا سايبهم كد.. لكن بردة هو عنده يقين ان ربنا هيعمل حاجه في النهاية.. لان ربنا هو الأعلم والأحكم في كتابة مصير البشرية..
واعترف كريم كمان انه خان مراته قبل كد.. ومكانتش خيانة كبيرة وهي اصلا قفشته.. وكل الموضوع انه كان بيكلم واحده حلوة في الشات.. وطلعت دانيا في الاخر بتشتغل و فاكراه بيهزر ولما عرفت انه بيتكلم بجد كانت خناقة كبيرة.. وقال إنه لو كان مكانها وهي اللي خانته مكانش ممكن يسامح..
وبيقول عن دانيا مراته.. انها شريك كفاح كبير في حياته.. ولما اتقدملها علشان يتجوزها مكانش عنده اي امكانيات مادية ووالدها كان متعاون جدا معاها ومدفعش رقم كبير وقتها في الجواز..
فلوس رامز جلال
كريم كان عنده من الصراحة ما يكفي انه يقول انه لما شارك في برنامج رامز تحت الصفر كان عارف المقلب وراح علشان الفلوس.. وقال كريم.. لما شاركت في برنامج رامز جلال كنت عارف المقلب بس مش منهم من زملا تانيين راحوا البرنامج.. ورحت عشان الفلوس إيه المشكلة.. يدفع كويس.. بس مش فاكر اخدت قد ايه..
وقال انه مش بيزعل من الكلام اللي بيقوله رامز في المقدمة.. لأنه هزار وكلام لذيذ يزعل ليه.. واكد انه بيحب البرنامج وشايفه من انجح البرامج في الوطن العربي واعلى نسبة مشاهدة من 10 سنين..
غيرة احمد العوضي
وعن الأنباء الل تم تداولها عن غيرة احمد العوضي منه بسبب مشاهده مع ياسمين عبد العزيز في مسلسل ونحب تاني ليه.. قلب كريم ان العوضي صاحبه واخوه وكان بيجيلهم التصوير كتير ووصفه بأنه رجل لطيف جدا..
وكمل كلامه وقال.. معرفش كان بيغير ولا لأ بس هو فنان كبير وفاهم الشغلانة بتاعتنا.. وفي الأول والآخر بجد ياسمين عبدالعزيز أختي.. هي آه جميلة وفنانة جميلة وشكلها جميل وكمان جدعة.. لكن هي اختي..
