بعد الهجوم عليه.. زوجة الفنان أحمد عبدالعزيز توجه رسالة للجمهور

بعد أن تعرض الفنان أحمد عبدالعزيز لموجة غضب خلال الأيام الماضية، بسبب رفضته السلام والتصوير من معحب، قامت زوجته دينا شرف الدين بتوجه رسالة للجمهور وقالت فيها “الحقيقة أنا شايفة إن فيه محاولة ممنهجة عشان يهدوا رموز الفن المصري الكبيرة ويشوهوا صورتهم، التعليقات اللي انتشرت على الفيديو بتاع أحمد ده مش طبيعية، دي لجان بتهاجم ومش ناس عادية، أنا بطلب من الكل يحترموا تاريخ أحمد وسنة، تاريخه كله محترم وعمره ما قدم حاجة وحشة أو أذت أي أسرة مصرية.

وأصافت:” الفيديو اللي انتشر ده كله سوء فهم، أنا اللي كنت ماشية ورا أحمد في الوقت ده، وكنت بتكلم في التليفون مع ابني. الناس بتصدق أي حاجة من غير ما تفهم الحقيقة. أحمد ما كانش قاصد أي حاجة، وكل الهجوم ده ما يستاهلهوش.

وتابعت:” أنا قلقانة جدًا من سلوك الناس على السوشيال ميديا، التنمر بقى ظاهرة، ومحدش بقى عنده فرصة حتى يوضح موقفه. كله بيهجم عشان “التريند” وبس. اللي بيحصل ده جزء من حملة متكررة على طول ضد رموز الفن اللي ليها تاريخ كبير.

واختتمت:” إحنا ماكناش نعرف إن الفيديو انتشر، روحنا البيت عادي وصحينا تاني يوم لقينا نفسنا “تريند”. المسؤولية مش علينا، المسؤولية على الذين يتربصون للناس عشان يصطادوا أي لقطة وينشروها من غير مسؤولية.”