شيرين تحكي عن أكثر نقد أثر فيها في بداية مسيرتها 

حلت النجمة شيرين ضيفة في برنامج معكم مني الشاذلي، وتحدثت عن العديد من الأشياء وكواليس بدايتها الفنية، وخاصة عند عرض مسرحية المتزوجون، وعن المقارنة التي حدثت عنها وعن هويدا مجلة الفنانة صباح والتي كانت تقدم الدور قبلها . 

تصريحات شيرين :  

 وقالت شيرين:” كان فيه حد كتب عني في جريدة عن مسرحية المتزوجون، لإن كانت الفنانة هويدا بنت الفنانة الكبيرة صباح هى اللى كانت عملها قبلى و انا كملت بعدها و بعد كده اتصورت للتليفزيون. 

وأضافت:” فا لقيت حد كتب تعالوا نشوف مين اللى هيتفرج ع المسرحية بعد كده، بقى حد يسيب التفاح اللبنانى عشان يتفرج ع الخيار المصرى فى جريدة معروفة يعنى، وبعد كده لقيت زوجي والد ميريت جاى يقولى إن اللى كتب عنى كده ده عايز يعمل معايا لقاء، قولتله لأ مش عايزة يعمل معايا لقاء ولا حاجة عشان قال عليا خيار مصرى ب20 قرش مع إن دلوقتى الكيلو ب 20 جنيه. 

وتابعت :” المهم كلمنى فى التليفون و قاللى يا أستاذة شيرين لو بتاكلى جبنة هتاكلى معايا تفاح ولا خيار فا أنا كان قصدى إن دى أكلة شعبية جميلة كل الناس بتحبها قولتله عن إذنك مش مقتنـعة بردو.