بدأت موديل محجبات وخلعته اول ما دخلت التمثيل.. علاقتها بوالدتها فاترة.. وكانت بتشوه وشها وهي صغيرة.. وحلمت بمشهد وفاة والدها.. وزعلت منه لما مات.. اتعرضت للتنمر في طفولتها.. وارتبط اسمها بأمير المصري وويجز لأيام.. صندوق أسرار أسماء جلال..
أسماء جلال
بتعيش الفنانة الشابة أسماء جلال حالة من الانتعاش الفني.. بعد نجاح مسلسل أشغال شقة واللي كانت بتشارك بطولته الفنان هشام ماجد.. وحقق نجاح ساحق في النص الاول من رمضان 2024..
ومع صعود أسهم اسماء جلال في الوسط الفني.. الجمهور بقى مهتم يعرف عنها اكتر.. ومرت اسماء بفترات صعبة جدا في حياتها خاصة في فترة طفولتها.. الل اتعرضت فيها للتنمر والتعنيف من اقرب ناس في حياتها..
اتولدت اسماء جلال في 22 مايو 1995.. معاها بكالريوس اعلام.. ودخلت مجال التمثيل بناء على ترشيح من المخرج بيتر ميمي.. للمشاركة في بطولة مسلسل الاب الروحي والل حقق نجاح كبير جدا..
البداية
اسماء بدايتها كانت بائسة جدا على حد وصفها.. لان عيلتها كانت رافضة تماما دخولها مجال التمثيل خاصة والدتها اللى الموضوع بالنسبالها كان مستحيل.. وعلى الرغم من أن والدها حاول يساعدها من روا والدتها.. لكن حصلت خناقة كبيرة بينهم بسبب الموضوع ده.. الل اتقفل تماما لحد ما دخلت الجامعة وبدلات تدخل المسرح والورش وتعمل تجارب اداء..
وانجذاب اسماء للتمثيل بدأ بإعجابها مؤديات الرقصات في الإعلانات.. وبدأت تحب الموضوع.. واشتغلت اسماء بالفعل في بدايتها كموديل للمحجبات.. واشتغلت مع براندات كتير كموديل وفي منهم بيستخدموا صورها لحد دلوقتي.. وده في نفس الوقت الذي تعمل فيه اديشن في كل مكان.. لحد ما في يوم شركة انتاج كلمتها وقالتلها عندك تصوير الاسبوع الجاي..
https://www.facebook.com/share/v/W4hLwAUxETHhdJVW/?mibextid=oFDknk
أول مرة ممثلة
علشان تشارك لأول مرة كممثلة بدور صعيدي في مسلسل الأب الروحي الجزء الأول سنة 2017.. وكان وقتها المسلسل يعتمد على اكتشاف شباب جديد.. وكل واحد منهم كان ع الاقل اشتغل عمل او اتنين.. وهي كانت متعرفش اي حاجة..
واشتغلت أسماء الدور لكن الصدمة كانت لما والدتها اكتشفت دخولها عالم التمثيل بعد فترة.. خاصة انها في الوقت ده قررت انها تتخلى عن الحجاب.. واول مرة مامتها شافتها كان في مسلسل كأنه امبارح.. وكانت قاعدة بتقطع السلطة وقالتلها.. اسماء انا شوفت بنت شبهك في المسلسل.. ولما اسماء اعترفت ان هي دي.. انهارت..
علاقة فاترة
وعلاقة اسماء بوالدتها مش احسن حاجه.. من وهي طفلة.. بسبب انها مختلفة وبتفكر طريقة مختلفة عن كل اللى في البيت.. ودايما مامتها كانت بتقسى عليها.. وكانوا بيتنمروا عليها ويرفضوا انها تلبس شورت.. ويتريقوا على رجليها.. واحيانا بحسب تصريحات اسماء كانت والدتها بتشوه وشها علشان تجبرها تلبس محتشم.. لأن والدتها كانت متزمتة ومتحفظة جدا عكس والدها..
وتقول أسماء.. أنا كبرت بدري وأنا كنت طفلة.. وكنت صغيرة على تحمل المسؤولية في طفولتي اللي كانت سعيدة لفترة معينة.. وبعد كده حصل تدخلات كتير في لبسي.. واختياراتي..
وكل التصرفات دي اثرت عليها.. صحيح دلوقتي العلاقة احسن لكن مفيش لغة حوار بردو.. وعلاقتها بوالدتها فاترة جدا.. وبتستغرب اسماء ان والدتها عاوزة منها حب وحنان.. رغم انها مدتهاش ده في طفولتها.. ف ازاى تبادلها المشاعر دي..
وفاة والدها
وعلى العكس تماما كانت علاقتها بوالدها الل كان دايما بيدلعها وبيعبرلها عن حبه وبيساعدها.. حتى على دخول التمثيل.. علشان كد مقدرتش تتقبل وفاته.. وقالت أسماء عن علاقتها بوالدها خاصة لحظة وفاته.. كنت زعلانة منه.. وما كنتش متقبلة إنه مات كنت بقول للدكتور ناخد قلب حد ونخليه يعيش.. وكنت زعلانة من القدر.. وطلبت أنزل أشوفه فى القبر لأنى ما كنتش مقتنعة إنه مات..
وحست بذنب كبير لما اتوفى لانها كانت دايما بتحلم انه بيعمل حادثة وبيموت والحلم اتكرر معاها قبل وفاته بـ 5 دقايق.. وفعلا والدها اتوفى بأزمة قلبية وهو سايق العربية..
اشاعات
وارتبط اسم اسماء جلال لفترة بالفنان امير المصري.. وانتشرت اشاعة كبيرة بتأكد انهم مرتبطين لكن اسماء اكدت انها مش مرتبطة وان كل الل بيتقال اشاعات.. ومبتفكرش في حاجه دلوقتي غير شغلها وبس.. وقبل امير المصري.. ارتبط اسمها لفترة بالرابر المصري ويجز.. بعد ظهورهم مع بعض في مناسبات كتير وصور كتير على انستجرام.. لكن نفت بردو اسماء وارتبط اسم ويجز بالفنانة هدى المفتى..
واسماء لاتؤمن بالحب من اول نظرة وبتعتبرها قصص خيالية والأهم بالنسبالها انه يكون في كيميا ومشاعر متبادلة بين الطرفين..
