منة فضالي: مفيش حد له أمان و أنا عند ربنا أحسن من ناس كتير
آثرت الفنانة منة فضالي الجدل بعد مشاركتها منشور ردت خلاله عن منتقدي ملابسها، وسفرها الدائم من دولة إلى أخرى، ذلك بالتزامن مع وجودها في باريس لقضاء عطلتها الصيفية.
وكتبت منة فضالي عبر حسابها الرسمي على «انستجرام»: «أوعي تصدق اللي تقولك صاحبتي وأختي وحببتي، أو صاحبي وأخويا وحبيبي إلا لو كان بالفعل، أصل الكلام ببلاش، لكن الأفعال محتاجة مجهود، الفلوس حلوة وكل حاجة بس مش كل حاجة الفلوس لأنها مش بتشتري الصحة والأهل واللي ماتوا وفارقونا، في حاجات كتير في حياتنا أهم من كل ده صاحبك دراعك، حبيبي قرشي، وأخويا صحتي، ربنا ما يحوج حد لحد أبدا».
وأضافت: «هتقولولي بتقولي الكلام ده ليه دلوقتي وانتي كل شوية في بلد ومنين فلوس والجو النيلة ده، أقولكم الحمدلله أنا اشتغلت كتير جدا جدا وده رصيدي، يمكن حظي مش زي كل الناس بس أنا راضية والحمدلله باللي ربنا أدهولي».
واختتمت حديثها قائلة:« هتقولولي وانتي بتعرفي ربنا وانتي بتلبسي عريان، أقولكم أه يمكن أنا عند ربنا أحسن من ناس كتير.. يمكن بعمل خير كتير من غير إعلان لأن اللي بيعمل خير مش لازم يقول دي حاجه بينك وبين ربنا بس كفاية أني عمري ما أذيت حد في حياتي بالعكس أنا دايما بتاذي».
واختتمت منه فضالي: «اللي عاوزه أقوله، محدش يعتمد على حد ولا يصدق حد ولا يثق في حد في الزمن ده النفوس وحشة أوي علشان كده أنا دايما لوحدي أو مع أمي وكلابي وبس لأن مفيش حد له أمان، ربنا يحرس الجميع من شر نفوس الناس».
آخر أعمال منة فضالي
يُذكر أن، آخر أعمال منة فضالي كان مسلسل “سيد الناس” بطولة عمرو سعد، إلهام شاهين، إنجي المقدم، أحمد زاهر، أحمد رزق، ريم مصطفى، بشرى، نشوى مصطفى، رنا رئيس، ملك أحمد زاهر، محمود قابيل، طارق النهري، ياسين السقا، جوري بكر، إنجي كيوان، والعمل من إخراج محمد سامي.
