بعد تعليقها حول القبض على البلوجر.. بدرية طلبة تحذف المنشور وتقرر الأبتعاد عن السوشيال ميديا 

أثارت الفنانة بدرية طلبة الجدل من خلال منور لها عبر حسابها الرسمي على موقع التواصل الإجتماعي الفيسبوك ، عن الجدل حول القبض على البلوجر . 

منشور بدرية طلبة: 

وكتبت:” الشمتانين في البلوجرز اللي اتقبض عليهم غيرانين من الفلوس اللي بتدخلهم من الدعم على التيك توك.. سيبك بقى من اللي يقولك إنه فرحان علشان البلد تتنضف، وأسلوبهم وطريقتهم ومحتواهم والهجص ده كله».

وتعرضت بعدها لهجوم حاد من الجمهور مما دفعها لحذف المنشور، وقامت بنشر منشور آخر وقالت فيه:” خلى الفيسبوك للي دماغهم مش مريحاهم أي أبلكيشين تانى أنضف من هنا خليه لمواقع تحت بير السلم واللي عاملين نفسهم صحافيين ونبعد عن الشمامين اللي بيخوضو في أعراض الولايا والمرتزقين اللي اهانو مهنة الصحافة. 

وأضافت:” بكدبهم اللي بيفبركو الاخبار والمواضيع وبتوع تصفيه الحسابات ونريح من اللجان والذباب الالكترونى والخرفان اللي هايجين اليومين دول لا اشوف اخبار كدب ولا كبشين ملتوي يلم مشاهدات ولا ناس تستغل حاجة منك تسترزق بيها ولا عيل متشرد يدخل يغلط ولا واحدة شمال تقل ادبها كدا تمام قوى سيبتهالكم مخضرة “. 

وأختتمت:” اه والله لما الابلكيشن ينضف ونعرف نكتب فيه اللي احنا عايزينه براحتنا نبقي نرجع له وانا مليش اي صفحات تانيه غير الصفحة دى الحمدلله دا للعلم فقط اي صفحة تانية مش بتاعتي”. 

آخر أعمال بدرية طلبة: 

آخر أعمال الفنانة بدرية طلبة هو مسلسل “وتقابل حبيب” الذي من المقرر عرضه في رمضان 2025، وهو من بطولة ياسمين عبد العزيز، كريم فهمي، وخالد سليم، أنوشكا، صلاح عبدالله، نيكول سابا، محمود ياسين جونيور، حنان سليمان، رشوان توفيق، وإيمان السيد. من تأليف عمرو محمود ياسين وإخراج محمد الخبيري.