أمينة تستعيد ذكريات أول عمل مسرحي لها وتعلق: كفاية انعدام مشاعر خليك إنسان
كتبت: أميمة أحمد
استعادت الفنانة أمينة ذكريات أول عمل مسرحي لها “جزيرة القرع” وربطته بأحداث العصر الحالي.
وكتبت أمينة عبر حسابها الرسمي بـ فيسبوك:” كنت عاملة مسرحية زمان اسمها “جزيرة القرع” كانت أول عمل إخراجى مسرحى يخرجه رامى عادل إمام كنت لسه جايه من إسكندرية وبقدم فى المعهد”.
وتابعت:” عرفت من المعهد إن فى كاستينج فى مسرح الزعيم ماطولش عليكم المهم ناسبنى دور مهم جدًا وعملته وكنت بضحك الجمهور جدًا وأشادو بيا أوى”.
وأضافت:” نبدأ بقى جزيرة القرع موضوعها بيتكلم عن انعدام المشاعر وانعدام الحب وبلاده مالهاش حدود ولا نخوة موجودة ولا أى حاجة مش عارفة ليه افتكرت الأحداث اللى بتحصل حوالينا دى أنها طبق الأصل من اللى كان مكتوب لسيناريو مسرحية، مش معقول كم التطابق ده فى الموضوع إلا من رحم ربى طبعًا لإن أكيد لسه فى حتى لو حد كويس إن شاء الله يعدى الباقين كم غل وحقد وشماته وبلاده وانعدام مشاعر مش معقولين فعلًا تخض”.
واختتمت:” مافيش داعى للشماتة أنتوا مش عارفين بكره فى إيه واديكو شايفين بعنيكو الناس بتبقى قاعده فى بيوتها لا بيهم ولا عليهم هوب خناقه من ولا حاجة بتنتهى بجريمة ودول ناس عاديين ممكن أى حد يمر بالظروف دى إحنا بقى نعمل إيه ندعى للى اتوفى بالرحمة ندعى للى عندهم ضيقة بالفرج ندعى للمريض ربنا يشفيه اللى يقدرك عليه ربنا حلو إعملو خليك إنسان إنسان إنسان بس كده، سهله أهى”.
ومن جانب آخر يذكر أن آخر أعمال الفنانة أمينة كانت أغنية “ميشغلوناش” والتي طرحتها مؤخرا عبر قناتها الرسمية بـ يوتيوب وجميع منصات الموسيقى.
