ياسمين الخطيب ترد على منتقدي تصريحاتها عن سوزي الأردنية: أنا بشتغل بجد ومش بقول كبسوا كبسوا

علقت الإعلامية ياسمين الخطيب على تصريحات التيك توكر سوزي الأردنية ومنتقدي تصرفها  برسالة شديدة اللهجة معبرة عن استيائها.  

أثارت الإعلامية ياسمين الخطيب جدلًا واسعًا بعد تصريحاتها الأخيرة حول رفضها استضافة صانعي المحتوى التافهين، وعلى رأسهم “سوزي الأردنية”، وذلك خلال برنامجها مساء الياسمين المذاع عبر قناة الشمس.

وردّت الخطيب على الهجوم قائلة: بيقولولي إنتي محدش سألك بتاخدي كام؟، لا، اسألوني، لأني باخد كتير علشان متعوب عليا.. بشتغل على نفسي، بشتغل فنانة تشكيلية وشاركت في معارض عالمية، وبشتغل كاتبة عندي 6 كتب في الشأن السياسي والنسوي والأدبي والمذهبي والعالمي، وبشتغل على الشاشة من 2013.

وأضافت:حضرتك تتفق أو تختلف مع آرائي براحتك، لكن نتفق إني عندي مهنة بأكل منها عيش، مش فاتحة لايف وبقول كبسوا كبسوا.

ووجهت ياسمين رسالة حاسمة لمن هاجموها بسبب رفضها استضافة صناع محتوى مثيرين للجدل قائلة: اللي متعاطف مع الجماعة بتوع كبسوا وزعلان إني بقول مش هدفع لواحدة عوطلية 100 ألف جنيه، يروح يديهم فلوسه هو، لكن أنا مش هستضيف الناس دي، ولا هديهم جنيه واحد، لأنهم بيشوهوا المجتمع المصري، والشباب الصغير شايف إنهم بيكسبوا فلوس من غير مجهود، وكلهم عايزين يبقوا زيهم ويفتحوا التيك توك.

بداية الخلاف بين الإعلامية ياسمين الخطيب والتيك توكر سوزي الأردنية 

بدأ الخلاف بعد تصريحات نارية من ياسمين الخطيب عندما صرحت ياسمين الخطيب بأن سوزي الأردنية طلبت 100 ألف جنيه مقابل الظهور في برنامجها، وهو ما اعتبرته أمرًا مبالغًا فيه.

وقالت: سوزي طلبت 100 ألف جنيه عشان تظهر معايا في البرنامج! مش عارفة بتشتغل إيه علشان تطلب الرقم ده هتيجي تحكيلي إيه؟ .

وأشعلت هذه التصريحات غضب جمهور سوزي الأردنية وفتحت باب الردود المتبادلة.

وردت سوزي قائلة : لما أطلع معاكي، حلقتي هتنتشر، ولو مش عاجبك، متتكلميش عن رزقي”.

كما نفت أن تكون قد طلبت الظهور، موضحة: “أنت اللي كلمتيني، مش أنا اللي طلبت أطلع. ومن إمتى بقى من المقبول مهنيًا إننا نعلن أجر الضيوف على الملأ؟”.