إسلام إبراهيم يدافع عن وفاء عامر : اللي بيحصل تريند أهبل أنا عارف معدنها الحقيقي
دعم الفنان إسلام إبراهيم، الفنانة وفاء عامر بعد أزمتها الأخيرة وتورطتها فى تهمة الاتجار بالأعضاء البشرية.
وكتب اسلام من خلال حسابه الشخصي بموقع التواصل الإجتماعي” فيسبوك ” : أنا اشتغلت مع وفاء عامر مسلسلين كاملين تصوير كل واحد فيهم استغرق من شهرين لتلت شهور بشوفها يوميا ودول كفيلين جدا إنك تعرف مدي طيبة الشخص اللي قدامك ومعدنه الحقيقي وفاء عامر من أجدع وأطيب القلوب اللي ممكن تقابلها جوه الوسط الفني بسيطة في كل شيء في كلامها وتصرافتها وحياتها مع الصغير قبل الكبير وبالمناسبة في مسلسل منهم معظمه وجوه جديدة تقدروا تسألوهم وفاء عامر كانت بتعمل معاكم ايه بتجمعني بيها مواقف كتير جدا بتاكدلي قد ايه الست دي طيبة ونقية .
وأضاف في مره قابلتها بالصدفة في حفلة تخرج صديق مشترك ابنه لسه صغير في ابتدائي وعاملين مسرحية أطفال ورايحة بس عشان تفرحه شافتني أنا واحد الزملاء وكان معانا صحابنا كتير قالتلنا أنتوا واحشني جدا انتوا لازم تتغدوا معايا النهارده أنا عاملة اكل حلو أوي بدون أي مناسبة رحنا لقيناها دابحة عجل كامل وبتفرق لحمة علي الناس الغلابة وكلنا وانبسطنا وكنا حاسين فعلا إننا في بيت اختنا ده يوم عادي في حياة وفاء عامر وممكن تلاقيها بتجامل في عزا الصبح وفرح بليل.
واختتم حديثه : فى مرة وأنا علي الهوا في برنامج فوجئت بيها بتكلمني ع الهوا وتقول فيا شعر من غير ما حد يطلب منها لأنها جدعة وبنت بلد وبتحب تفرح أي حد ، ومواقف تانية كتير بتأكد قد إيه الست دي بتحب تعمل خير.
اللي بيحصل مع وفاء عامر ده اكبر مثال لكلمة خير تعمل شر تلقي ولو هلومها علي حاجة هلومها أنها كانت متباسطة مع ناس متستحقش ده وإحنا في زمن صعب بنحبك يا فوفا وربنا يبعد عنك كل شر بحق قلبك الطيب النضيف واللي بيحصل ده ترند اهبل وهيعدي.
