ميادة الحناوي:” شكلى أصغر من سنى لأن بحافظ على أكلى ونومي” 

وقالت ميادة الحناوي، خلال لقائها مع الإعلامية بوسي شلبي: أنا عندي سلام داخلي، وبحافظ على نفسي وأكلي ونومي وبلعب رياضة، مبسهرش غير لما يكون عندي شغل، وبدلع نفسي شوية ومحبة الناس لا تقدر بـ ثمن، والحمد لله بشوف كل حاجة حلوة.

وكانت الفنانة ميادة الحناوي، تحدثت عن بدايتها الفنية والمواجهات التي قابلتها، قائلة: كنت بحلم وأنا صغيرة أني أبقى زي عبد الحليم حافظ ومحمد عبد الوهاب وده بقى حقيقة، لأن عبد الوهاب أول مرة شافني حب موهبتي وخدني لمصر.

وأضافت ميادة الحناوي: أنا ببحث عن الأرشيف الجميل على مدار الـ 35 سنة اللي عيشتهم وأنا صغيرة الناس مفكرة أني كبيرة في السن، واتحاربت كتير مع الأسف الشديد ولكني فضلت بفضل ربنا ومحبة الناس وإصراري على الشيء اللي حابة أقدمه وحفرت في الصخر واتعذبت، والحمد لله ربنا وفقني.