أشهر أم في السينما المصرية.. ونجم الجمهور مالوش فرصة.. فنانة خطيبها مات قبل الفرح.. وواحدة جوازتها باظت علشان ريحتها كانت بصل.. نجوم مدخلوش القفص الذهبي..
على مدار الفترة اللي فاتت انتشرت اخبار كتير بتأكد ان الفنان مصطفى شعبان دخل أخيرا القفص الذهبي بعد أكثر من 54 سنة عاش فيهم عازب.. ويعتبر من أشهر عزاب الوسط الفني المصري.. وعلى الرغم من تأكيدات انه اتجوز مديرة اعمال عمرو دياب السابقة.. هدى الناظر.. إلا أنه معلقش لا بالنفي ولا بالتأكيد.. وكان قال في تصريحات قريبة انه متجوزتش لحد دلوقتى بسبب النصيب..
وكان مفاجأة للجمهور ان مصطفى شعبان كل ده لسه متجوزش اصلا.. لكن مصطفى شعبان مش هو الوحيد على مر التاريخ في الوسط الفني الل عاش حياته عازب.. ففي فنانين كتير ركزوا في مشوارهم الفني وفضلوا يعيشوا عزاب..
محمد منير
على الرغم من أن بعض الفنانين دول كان ليهم تجارب حب لكنها ما انتهتش بالجواز لأسباب مختلفة.. ومنهم.. النجم محمد منير.. واللي يعتبر من اكبر عزاب الوسط الفني اللي لسه متجوزوش لحد دلوقتي.. وعلى الرغم من أن الفنان محمد منير داخل على عامه السبعين.. الا انه لسه متجوزش وبرر ده بان الجمهور مادالوش فرصة.. ودايما كان الفن اولويته والقدر والنصيب كان ليه رأي تاني.. ولحد دلوقتي هو مش قافل الباب لكن مش بيسعى.. خاصة انه لحد دلوقتي مقابلش فتاة أحلامه..
https://www.facebook.com/share/v/ZoJbAUW1BuPLSfyN/?mibextid=oFDknk
امينة رزق
وهو الحال ذاته لأشهر ام في تاريخ السينما المصرية.. راهبة الفن الأنسة أمينة رزق.. اللى عاشت طول حياتها بدون زواج.. وتضاربت الأقاويل عن سر عزوفها عن الزواج.. ومنها شائعة انها حبت يوسف وهبي من طرف واحد.. ومقدرتش تحب غيره.. وفي رواية ثانية.. انها مكانتش عاوزة يبقالها بيت وولاد..
زكي رستم
وبسبب طباعة الصعبة جدا.. ونظامه الصارم في حياته.. رفض الفنان الكبير زكي رستم.. الجواز وانه يكون ليه بيت واولاد.. وفضل انه يصب اهتمامه على السينما طول سنين حياته..
نرمين الفقي
وعلى الرغم من جمالها وشياكتها.. الا ان الفنان نيرمين الفقي متجوزتش ولا مرة.. رغم أنها تخطت سن الخمسين.. و أرجعت سبب تأخر جوازها للنصيب وانها كانت مشغولة بالاهتمام بوالدتها المريضة لحد ما اتوفت.. وحكت ان قبل كد والدة عريس رفضتها بسبب أنها كانت بتطبخ بنفسها ودخلت المطبخ قالتلها ريحتك بصل..
أروى جودة
وكمان الفنانة اروى جودة لحد دلوقتي متجوزتش.. على الرغم من جمالها المميزة والفريد وشخصيتها القوية والمثقفة.. وقالت في أكثر من تصريح أنها لسه ملقتش الشخص المناسب ليها.. وكانت أروى مخطوبة للفنان التركي الشهير أوزجان دينيز.. وكانت بتحبه جدا لكن مقدروش يكملوا مع بعض بسبب اختلاف اللغة وان كل واحد فيهم عايز يعيش في بلده..
مي عز الدين
وتعتبر مي عزي الدين من أشهر عازبات الوسط الفنى.. وكتير بيقولوا ان مي مش قادرة تتخطى تجربتها السابقة مع نجم منتخب مصر محمد زيدان.. الل ارتبطوا لفترة طويلة وكانت بينهم قصة حب وخطوبة.. لكن للأسف متكلمتش بالجواز.. وقالت مي إنها مش هتقبل باي راجل علشان تحقق حلم الطفولة.. وان ليها مواصفات محدد في الراجل لسه ملقتهاش..
حورية فرغلي
كمان الفنان حورية فرغلي تعتبر من أشهر عازبات الوسط الفنى.. على الرغم من انها اتخطبت اكتر من مرة.. واحد سابها بعد فيلم كلمني شكرا.. والثاني اتوفى قبل فرحهم بيوم.. ومن بعده مقدرتش تحب حد تاني.. ولا تعيش قصة حب زيها.. ده غير دخولها في أزمات كبيرة منها العمليات المتكررة في مناخيرها والل بسببها اتغير شكلها.. واتأثر شغلها بشكل كبير.. وتتمنى حورية انها تقابل شخص يحبها ويكون معاها لحد اخر ايامها..
ومن جميلات الوسط الفني وأبرز نجماته الفنانة منة شلبي.. واللي تعتبر من أشهر انسات الوسط الفني.. وقالت منة إنها هتفضل عازبة لحد ما تحس بالحب وانها اصلا مش بتهتم بفكرة الجواز.. وانها مش هتتجوز لمجرد التخلص من العنوسة لكن هتتجوز الل هتحس ناحيته بالحب بس..
