تامر حسني يوجه رسالة لمطرب مشهور: ألبومي رقم واحد بس احتراما للجمهور مش هعمل زيك

كتبت: أميمة أحمد

وجه الفنان تامر حسني رسالة لمطرب مشهور عبر فيها عن حزنه بسبب نشر صور تقول إن ألبومه الجديد “لينا ميعاد” في المركز الرابع.

ونشر تامر حسني فيديو عبر خاصية ستوري على حسابه الرسمي بـ إنستجرام وكتب من خلاله:” مش غريبة شوية لما الفنان الكبير اللي بحبه وبقدره، ينزل صورتي عنده في الستوري بكذا طريقة أن أنا رقم 4، وهو عارف إن الألبومي مش ٤، بدليل ترتيب تريند اليوتيوب اللي الألبومي كله احتله، وكنت رقم 1 من أول أسبوع الأول من نزوله”.

وتابع:”وبرضو ناس جمعتلي النتائج دي، بس منزلتهاش.

عموماً، هو ترتيب وبيتغير كل ساعة، الفكرة إن “ألبوم لينا معاد” أنا تعبت فيه، والناس بتتكلم عنه بكل خير، وده الأهم، فمش محتاج أعمل كده”.

وأضاف:” أنا لما كنت تقريباً ١٠ أيام وهينزل ألبوم “لينا معاد”، زي ما أنتو شايفين أهو في الفيديو اللي اضطريت أنزله، أغانيّا في التريند أعلي وهو كان تحت”.

واختتم:” احتراماً ليه ولحبينه، منزلتش صورته وهي تحت، ولا نزلت أي خبر يقول إن الألبومي متصدر عليه، كنت بحتفل مع جمهوري دون المساس بصورة أو اسم أي فنان، احتراماً لجمهوره ولنجاحه هو كمان، بس مش عارف ليه هو يعمل كده، لأنه أكبر من كده ومش محتاج يعمل كده، وعموماً، ألف مبروك”.

ومن جانب آخر حقق تامر حسني نجاحا لافتا من خلال فيلمه الجديد ريستارت والذي يعرض له في دور العرض السينمائي هذه الفترة.