الكاتب محمد شتا لـ one take:” الكتابة مش تلزيق كلام ورا بعض و خلاص وبعض الناس بتهتم بالشو وبس”
الكاتب محمد شتا لـ one take:" الكتابة مش تلزيق كلام ورا بعض و خلاص وبعض الناس بتهتم بالشو وبس"
الكتابة هي غذاء الروح وفي زمن أصبح فيه تأثير السوشيال ميديا كبير والترند هو جنون الناس الذي يأخذهم لتقديم أي محتوى من أجل الشهرة وخطف الأنظار، نجد أن مازال هناك البعض يحتفظ بالشيء الهادف والمميز ويسعي لتقديمه.
إنه الكاتب محمد شتا الذي نجح في خطف الأنظار على السوشيال ميديا وتقديم الرسالة الصحيحة التي يجب أن تكون في مجتمعنا من خلال صناعة محتوي هادف وكان لـ one take هذا الحوار الممتع معه.
في البداية عرفنا عن نفسك في سطور؟
اسمي محمد شتا من اسكندرية و بدأت مجال الكتابة ده من ٢٠٠٩ على السوشيال ميديا و كانت بتعجب ناس كتيرة و مع الصدفة قدرت اني اشارك في معرض الكتاب ٢٠٢٢ و ٢٠٢٣ بنصوص ليا في ٤ كتب مع نخبة من الكُتاب الشباب
من حب الكتابة إلى صناعة المحتوى.. كيف كانت الرحلة؟
انا بحب جدا التصوير و المونتاج و بحب اوصل رسالة للناس من الكتابة فحاولت اني اطلع ده في صورة فيديوهات و بدأت اصور فيديوهات على تيك توك و الفيسبوك و لقيت تفاعل حلو و الناس بتحب ده بدأت اكمل فيه
كيف يمكن صياغة الأفكار والمشاعر على الورق بشكل يتناسب مع المجتمع من وجه نظرك؟
كل ما هو طالع باحساس هيوصل للناس بنفس الاحساس لان الكتابة مش تلزيق كلام ورا بعض و خلاص
مع انتشار السوشيال ميديا والترند هل أصبح من الصعب تقديم محتوي مفيد؟
للاسف اه لان معظم الناس مش بتابع المحتوى الهادف يهمهم شو التريندات و بس
كيف تتعامل مع الانتقادات؟
بحبها جدا ، ده الواحد لو ملقاش انتقادات عمره ما يطور من نفسه ولا يعرف انه ناجح
هل نجح المحتوى الخاص بك في جذب الشباب إليه؟
اه الحمد لله بلاقي ردود أفعال حلوة يشجعني انه اكمل
ما هي الصعوبات التي واجهتك في البداية؟
اني اقدر اخلي الناس تحب تشوفني و تبقى متفاعلة مع فيديوهاتي و كمان تريقة الناس القريبة ليا انهم مستغربين اني بقدم محتوى اصلا
كيف يختار الشخص المبتدئ في صناعة المحتوى الموضوع الذي يقدمه؟
بيدور على اكتر حاجات الناس محتاجاها سواء في حل مشاكل أو نصيحة في شغله او حاجة يتعلمها و من هنا بيكمل في ده
في النهاية ما هي نصيحتك للشباب المبتدئ في الكتابة؟
متخليش الناس اللي حواليك توقعك و تقولك مش حتكمل
الصدفة بتولد الفرصة اللي انت بتكمل فيها
