رانيا محمود ياسين: الصفحات الصفرا بتسوء صورتنا
كتبت: أميمة أحمد
عبرت الفنانة رانيا محمود ياسين عن غضبها من بعض صفحات مواقع التواصل الاجتماعي الذين تداولوا فيديوهات لها بطريقة سيئة.
وكتبت رانيا محمود ياسين عبر حسابها الرسمي بـ فيسبوك:” الناس علي السوشيل ميديا بقوا طاقه غضب كره وتصيد للفنان”.
وأوضحت:” موقف عادي الصفحات الصفرا الي بتعملوا ريتش على تشويه صورتنا قدام الناس مثلا بدور علي امي ومش لقيها في يالمهرجان امبارح وماصدقت لقيتها بقولك انفعال رانيا علي امها”.
وتابعت:” انتم بترصدوا انفسنا بكاميراتكم خوفي عليها من الزحام حولوا انفعال، امبارح جوزي كانت حرارته عاليه ومازالت لولا فضل الله ثم الدكتور احمد شيرين ربنا قدره ينزل علشان مسئوليته كرئيس مهرجان القومي للمسرح يقول ايه رانيا بتخزي العين إيه التفكير ده”.
وأضافت:” أولا ده مايرضيش ربنا لا تتمرضوا حتي تمرضوا ثانيا دي مش طريقتي ده جو بلدي اوي وقعت علي الريد كاربت وحصلي ألتواء في قدمي ومش اقول ايه حالتي ربنا أعلم بي يقولك أصلها عايزه تعمل اي حاجه تاخد لقطه علشان ماسمحتش ان حد يصورني لما وقعت أصدقائي اتلموا حواليا علشان التريندات الرخصيه انا معملهاش لولا انهم برضه شخص صورني وانا بقول لابني اني وقعت وعايزه امش لاني قدمي بتوجعني مكنش في حد هيعرف”.
واختتمت:” إحنا كلامنا وانفسنا بتصور طول الوقت بشكل مزعج جدا ومن الناس مش عارفين مين دول اصلا وفي الاخر سؤال هل يكب الناس علي وجوههم في النار الا حصاد ألسنتهم”.
وجاء منشور رانيا بعد انتشار أكثر من فيديو لها عبر مواقع التواصل الاجتماعي وهي تبدو متعبة أثناء حضورها حفل افتتاح المهرجان القومي للمسرح المصري الذي أقيم أمس بدار الأوبرا المصرية.
