ريهام سعيد تعلق على أزمة مها الصغير: غلطت واعتذرت وعدت بأوقات قاسية
كتبت: أميمة أحمد
علقت الإعلامية ريهام سعيد على أزمة مها الصغير عبر حسابها الرسمي بـ فيسبوك حيث كتبت:” غلطت واعتذرت حد سأل عملت كده ليه”.
وتابعت:” من غير تفاصيل مهي عدت بأوقات كتير قاسيه جدا واستحملت كتير وأنا عارفة ده لأني كنت صديقه والدها جدا الله يرحمه، آكيد بعد الي مرت بيه وبعد فقدان أبوها وزوجها وخلافاتها مع أخوها كانت بتدور على تقدير بتدور على نجاح بطريقة غلط لما بتحس بعدم الأمان أنت بتبقي مش مستقر نفسيا وبتعمل تصرفات غريبة لإثبات الذات عايز تبقي ناجح ومشهور باي طريقة”.
وأكملت:” مش ببرر بس كلنا بنغلط كفاية، كفايه إهانة، هي لو جبل كان اتهد”.
واختتمت:” أنا مريت بهجوم كده قبل كده ولكن كان على باطل بس برضوا مجرح اوي، مهي غلطت وأنتوا كمان بتغلطوا هي غلط وغلط جدا الي عملته بس أنا متأكده ان ده نتيجه ضغوط نفسيه بتمر بيها، أرجو التوقف عن الهجوم أنا خايفه عليها مش هاتستحمل كل ده”.
