“حبيبي وأبو بناتي ” داليا فرج الزوجة الأولى للمخرج سامح عبد العزيز تودعه بكلمات مؤثرة

نعت الإعلامية داليا فرج الزوجة الأولي للمخرج سامح عبد العزيز بكلمات مؤثرة توضح ترابط العلاقة بينهما رغم الانفصال. 

وكتبت داليا فرج من خلال حسابها على فيس بوك: “اللي بينا حاجة مافيش غيرنا فاهمها  فاهمين تفاصيل بعض بنفهم بعض من نظرة نتخانق بقى نزعل نحلف ما انكلم بعض تانى تقريبا نص الصيام اللى بصومه رايح على الحلفان واول ما تكلمنى أنسى وأصالحك على طول علشان عارفة أن قلبك طيب بيبى كبير وضخم وعلشان اللى جوانا بتاعنا احنا وبس مش حاجة ممكن تفهموها أو تسموها لينا تأثير قوى على بعض فيه حته جوة كل واحد فينا للتانى خاصة ومختلفة”.

وأضافت : ” عشرة عمرى وحبيبى و أبو بناتى رغم انك مشيت بس اللى مريحنى أن آخر 20 يوم كنا مع بعض كلنا على طول يا رب ما اكونش قصرت في حقك هتوحشنى اوى يا حبيبى يا غالى زى ما كنت باقولك دايما انت الغالى وترد حبيبتي”.

أشارت: “مش مصدقة إنى باقولها ربنا يرحمك يا حبيبى ويسكنك فسيح جناته ويقدرني على المسئولية  نفسي أنام وأصحى ألاقي ده كابوس ومش حقيقي بدري أوي أوي يا حبيبي  لا إله إلا الله لا إله إلاالله هتوحشني يا موحة”.

وجدير بالذكر حرص عدد كبير من نجوم الفن حضور تشيع جنازة المخرج سامح عبد العزيز وكانت على رأسهم زوجته الثانية الفنانة روبي .