سرطان بالكلى وجلطة في القلب.. إدوارد يكشف سبب مرضه

حل الفنان إدوارد ضيف برنامج صاحبة السعادة الذي تقدمه الإعلامية إسعاد يونس ، حيث كشف عن أصعب اللحظات التي مر بها خلال الأشهر الماضية، كاشفًا عن تفاصيل فترة مرضه التي وصفها بأنها الأسوأ في حياته.

وكشف: إدوارد عن حالته الصحية باكيًا : “مريت الشهور اللي فاتت بأسوأ فترة في حياتي يعني إيه أكون عادي وفجأة يحصل لي كده؟ وكل ما ببقى لوحدي بعيط وكنت خايف على ولادي في الفترة دي”.

وقال إدوارد: الموضوع ابتدى لما المخرج محمد سامي طلب مني أسيب شعري ودقني عشان المسلسل وأن أعمل الدور وأنا رفيع وشخض نصحني بحقن التخسيس وفعلا خسيت حوالي 15 كيلو . 

وأضاف: قعدت 4 أيام لا بدخل حمام ولا باكل لقمة ، الدكتور قالي عندك شلل في المعدة، وعملت تحاليل وفوجئت بحاجة تفوق الخيال إني عندي سرطان في الكلى . 

وتابع : كنت حزين جدا وخايف على ولادي وكل ما أفكر فيهم أعيط بحرقة ولكن مكنتش عارف أحكي لولادي مراتي بس اللي كانت عارفة ، وجالي جلطة في القلب ودخلت عملت قسطرة و 3 دعامات وبعدها عملت استئصال للكلى.