” لو عطست هتشل”.. أمير صلاح يكشف عن إصابته بمرض نادر 

كشف الفنان أمير صلاح الدين، تفاصيل إصابته بمرض نادر في المخ، وهو تمدد شريان عملاق بالمخ بأكثر من 2.5سم، موضحًا أنه اكتشف إصابته بمحض الصدفة خلال تصوير فيلم نوارة الذي عُرض عام 2015.

وقال أمير صلاح الدين، في لقائه مع الإعلامية منى الشاذلي، في برنامجها معكم: كان عندي مرض نادر تمدد شرياني عملاق في المخ، وعرفت بالصدفة لما عملت حادثة في فيلم نوارة بالموتوسيكل وعملت أشعة، الدكتور قالي كان المفروض تبقى ميت من وأنت عندك 5 سنين مينفعش تبقى عايش، قولتله يا دكتور ربنا سبني أعيش، وقالي أنت لازم تعمل عملية فورًا.

وتابع أمير صلاح الدين: الدكتور قالي قالي أنه هيركبلي من 300 لـ 400 كويل في شريان المخ، وكل واحد فيهم تكلفته 15 ألف دولار، قولتله مش هينفع لأني لسه جايب شقة وعربية عشان هتجوز، قالي بيع الشقة والعربية لأنك مش هينفع تتجوز أصلًا أنت لو عطست هتتشل