تقدر ترفع قضية على مرتضى منصور ولا عشان أنا صغير.. أول رد من البلوجر أبو عادل بعد تقديم تامر حسبي بلاغ به

كتبت: أميمة أحمد 

رد البلوجر أحمد أبو عادل لأول مرة عن الظلم الشديد الذي تعرض له بعد انتقاده لفيلم “ريستارت” وتقديم تامر حسني بلاغ فيه، وقال أبو عادل في فيديو عبر حسابه الرسمي بـ تيك توك:” يا تامر مش أنت اللي قولت لإلهام شاهين في الفيلم “بحبك أوي يا فنانة” وبتفرج على أفلامك في الحمام”، وأنت بردو اللي كنت بتقول أجمل حاجة بحبها فيكي وبتبص على مؤخرة الفنانات”. 

وتابع:” عاوز تقلبها قواضي يلا بينا ومش صعب عليا إني أثبت إنك بتقدم فن تافهه، بترفع قضية على شاب عنده 30 سنة عشان صغير.. تقدر ترفعها على مرتضى منصور”.

وأضاف:” جاوب مع نفسك كده وقولي.. هل الفن اللي أنت بتقدمه يتماشى مع تعليمات رئيس الوزراء لما قال عاوزين فن يتماشي مع قيم المصريين، أنا عاوز رئيس الوزراء يشوف الفيديو عشان ندخل الكبار بنا”

وأوضح:” أنا قولت رأي في الفيديو عادي وقولت أن تمثيل تامر كويس وأديته 6 من 10 تقييم، الفيديو اتحذف بعد مانزل عشان لاقيت عليه بلاغات، نزلته تاني واللي حصل إني لاقيت انتقام طيروا الحساب بتاعي في لحظة وكسروا نفسي يوم وقفة العيد، علمت حساب تاني وبردو اتقفل من اللجان”.

وأكمل:” أنا لو وحش مش هتشكر فيا إسعاد يونس وحمادة هلال ونجوم كتير أنا محترم والله، الناس عاوزة تعرف رد فعلي إيه لما سمعت أول مرة عن البلاغ، أنا محامي وواخد على المشاوير دي وبحبها بس مكنش نفسي أتعرض للظلم من تامر حسن”.

واختتم:’يشهد الله إني بحب تامر حسني الإنسان وكنت بسمعه لكن اللي أتعرضت ليه ظلم كبير”.