أول رد من حمادة هلال على إستبعاد ماجد المصري من الجزء الرابع من المداح 

علق الفنان حمادة هلال على إستبعاد ماجد المصري من الجزء الرابع من مسلسل المداح أسطورة العودة، وذلك خلال لقائه في برنامج “راديو 9090”. 

تصريحات حمادة هلال: 

وقال هلال:”أنا كنت قلقان  ماجد كان ماضي وعارف إن الدور بتاعه بس للأسف اتطلب في عمل بيتصور برة مصر فـ احنا بقينا خايفين من فكرة إننا كل شوية هنجيبه من السعودية عشان يمثل هنا ، واحنا بنصور في أماكن مختلفة زي سيوة وأسوان وغيرهم

وأضافت:” فـ ماجد حاول يتصرف برجولة وقال حاول تقللوا شوية مساحة دوري قولتله مينفعش هو الدور كبير وانتهى الموضوع فـ بقينا مكسوفين نكلم البطل فتحي ،لما كلمناه لقيناه بالأمانة متعاون وأنا أشهد له بده وبقول سبحانك يارب هو الدور مرسوم على فتحي دي مش بتاعتنا بقى

وتابع:”  يعني ماجد كان هيعمله بطريقة تانية وهيطلع حلو بس اللي احنا كان نفسنا فيه لقيناه في فتحى، التعليقات الاولانية على أول برومو كانت ” فين ماجد؟ ” وبعدين أول وتاني حلقة مش عاوز أبالغ بس فتحي عمل علامة قوية ومختلفة جدًا ، والناس قالت خلاص تمام مش مشكلة نشوف ماجد في جزء خامس وجت من عند ربنا”. 

تفاصيل مسلسل المداح أسطورة العودة: 

ويذكر أن مسلسل المداح أسطورة العودة شارك في بطولته مجموعة كبيرة من النجوم، أبرزهم حمادة هلال، هبة مجدي، فتحي عبدالوهاب، حنان سليمان، هلا السعيد، خالد سرحان، وغيرهم، والعمل من إخراج أحمد سمير فرج.