بعد عودتها إلى مصر.. إلهام شاهين لـ one take: في كل دقيقة كان حد بيطمن عليا وعرفت إني الحمدلله سايبة أثر كويس
كتبت: أميمة أحمد
كشفت الفنانة إلهام شاهين في تصريح خاص لـ one take عن كواليس عودتها إلى مصر حيث قالت:” كتر خير اللي سأل عني واهتم وكان قلقان”
وتابعت:” أنا مكنتش في خطر لأن العراق مش في حرب لكن كان القلق إني مش عارفة هرجع مصر أمتى لأن المطار اتقفل ومش واضح أنه كان هيشتغل قريب”.
وأوضحت:” الحمدلله في اللي فكر أن هناك مطار فرعي في البصرة وإني أروح بالطريق البري للبصرة وأجي منه كانت فكرة عظيمة”.
وأضافت:” كانت مرهقة الطريق خمس ساعات أو ست ساعات وكنا بالليل والصواريخ كانت شغالة بشكل قوي وكنا شيفيتها قريبة، أنا في الحقيقية مكنتش خايفة بالعكس كنت سعيدة وأنا شايفة الصورايخ بتنزل على إسرائيل ولكن العراق مكنش طرف”.
واختتمت:” أنا بشكر كل الإعلام والصحافة اللي اطمنوا عليا كل دقيقة وكل زمايلي وزميلاتي والنقابة السفير المصري هناك وكل الدولة والقيادات، الواحد عرف أنه ليه أثر كويس”.
