هدى زاهر تعلن خروج ابنتها ملك من المستشفى: مستنين التحاليل تعرفنا عندها إيه
كتبت: أميمة أحمد
كشفت مدربة التمثيل وزوجة أحمد زاهر تفاصيل الحالة الصحية لابنتها ملك زاهر.
وكتبت هدى عبر خاصية ستوري عبر حسابها الرسمي بـ إنستجرام:”ملك خرجت والله، والحمد والشكر لله من يومين، وفي انتظار تقارير الأطباء لمعرفة الحالة بشكل دقيق هي أحسن وهتكون أحسن ببركة دعائكم ومحبتكم ليها”.
وتابعت:”إن شاء الله التحاليل الأخيرة هتوضح السبب اللي خلى حالتها تتدهور بالشكل ده، وأنا متفائلة بالله جدًا، وواثقة إن رب الخير لا يأتي إلا بالخير. الحياة مستمرة، والشغل والالتزامات مستمرة رغم كل الظروف، وده لأننا مؤمنين بالله، وسايبنها على الحي الذي لا يموت”.
وأضافت:” شكرا لكل الأصدقاء والفنانين والمحبين والداعمين لأسرتنا، ولملك بشكل خاص، وقريب جدًا هنطمنكم عليها بشكل نهائي ونفرح سوا برجوعها لينا بألف سلامة وعافية، الله خير حافظ، ودي فعلًا حقيقة. ربنا حماها من حاجات كتير، وإحنا أحسن من غيرنا، الحمد لله والشكر لله. وشكرًا لكل من تواصل معانا للاطمئنان على صحتها”.
واختتمت:” ألف حمد الله على سلامتك يا روح قلب أمك وأبوك وأخواتك، يا أطيب قلب في الدنيا. وأظن إنك عرفتي بعد الأزمة الصعبة دي قد إيه الناس بتحبك، يا حبيبتي، وعقبال ما نطمن على آدم ابن تامر حسني وبسمة بوسيل، ونفرح كلنا، وتكبر فرحتنا. يا رب اشفِ كل مريض، اللهم آمين”.
