تامر عاشور: “هيجيلي موجوع” نقلتني في حتة تانية وناس كتير عملت عليها كوميكس

كتبت: أميمة أحمد

كشف تامر عاشور عن نجاح أغنيته الشهيرة “هيجيلي موجوع” مؤكدا أنه لم يكن يعلم أنها ستحقق كل هذا النجاح.

وقال تامر عاشور أثناء استضافته في برنامج “صاحبة السعادة” من تقديم “إسعاد يونس”:” الأغنية كانت بالنسبة لى نقلة وخرجتنى من إطار الأغانى الهادية وجعلت الرتم الموسيقى عندى أعلى أكتر، وده بسبب بساطة اللحن والكلام والتوزيع”.

وتابع:” الأغانى البسيطة بتعجب الناس، ومافيهاش فزلكة، وممكن الأغنية تضرب معايا، وتوجهاتى اختلفت فى شكل المزيكا بعد أغنية “هيجيلى موجوع” وبقلب الأغنية ووديها فى حتة تانية، وأنا أتربيت على المزيكا اللى ليها أصل، وأنا على ثقة ويقين إن الناس بتسمع”.

واختتم:” ناس كتير حبت الأغنية وعملت عليها كوميكس، ومنهم كوميكس عن دكاترة الأسنان بس اللي كان مضحك واحد خلص مرتبه وبيكلم ساندوتش الفول”.