خسرت تحويشة عمري في بنوك لبنان.. وتعرضت لـ العنف اللفظي في علاقاتي السابقة.. عايشة قصة حب مع شخص بيحبني.. وممكن نعيش مع بعض من غير جواز.. ومش مهتمة إني أجيب أطفال..
مفيش شك إن الفنانة إليسا عاشت أزمات صعبة جدًا في حياتها.. خاصة خلال الفترة الأخيرة بسبب إصابتها بمرض السرطان.. لكن رغم اللي اتعرضت ليه “إليسا” قدرت ترجع تاني وتكون بنفس شخصيتها القوية.. ودا كمان بمساعدة حبيبها الجديد المجهول اللي محدش لسة من الجمهور يعرف عنه حاجة.. فيا ترى ايه حكاية حبيب إليسا الجديد.. وهل فعلا خسرت فلوسها كلها في الأزمة الاقتصادية في لبنان ؟
خسرت تحويشة عمرها في بنوك لبنان
البداية كانت مع حديث إليسا عن خسارتها تحويشة عمرها كلها.. أثناء فترة الأزمة الاقتصادية اللبنانية.. فخسرت كل فلوسها اللي عملتها من شغلها في بنوك لبنان.. وقالت “إليسا” عن خسارتها لـ شقا عمرها: “المصاري كانت في بنوك بيروت واللي راحوا كتير.. اللي راح راح وأنا خلاص قطعت الأمل،، والحمد لله مرتاحة ماديًا، واستعوضت ربنا في ناس معهاش ليرة،، لكن أنا بشتغل وربنا مديني وعندي رزقي، شغل 25 سنة راحوا بس أنا كويسة الحمد لله،،
“وأكيد اللي حصل صدمتي،، وزعلت إن القطاع المصرفي اللبناني هو نفس نظام القطاع المصرفي السويسري،، اللي يعتبر من أهم الأنظمة المصرفية في العالم، لكن للأسف كل حاجة وقعت،، شغلي طوال 20 أو 25 سنة لا يمكن تعويضه،، لكن أنا بشتغل وعايشة مرتاحة وعندي رزق أحمد الله،، وعندي مستقبلي وفني وبقدر أجمع مال، واستعوضت ربنا”..
اتعرضت لـ العنف اللفظي
والفلوس اللي خسرت إليسا ماكنتش بس ده الأزمة الوحيدة اللي اتعرضت ليها.. لكن كمان “إليسا” اتعرضت لـ عنف لفظي أثناء علاقتها بـ حبيب سابق ليها.. فقالت إليسا في اعترافتها عن علاقاتها السابقة: “مفيش حد مد إيده عليا،، ولكن فيه شخص حاول الاعتداء على، وقلت له لو رفعت إيدك مش هقبل ده، لكن فيه شخص جرب الاعتداء عليا،، وأنا مقبلش الضرب على نفسي ابدا،، كمان أوقات التعنيف اللفظي يدمر الانسان أكثر من الضرب، أنا اتعرضت للعنف اللفظي وفي رأيي،، هو أقوى من العنف البدني”..
هعيش مع حبيبي من غير جواز
كمان “إليسا” اتكلمت عن حبيبها الجديد.. واللي تعيش معاه حاليًا قصة حب كبيرة.. وبيساعدها إنها تتخطى الأزمات اللي تواجهها في حياتها.. لكن المفاجأة إن “إليسا” صرحت انها ممكن تعيش مع حبيبها عادي من غير جواز.. خاصة إنها مش هتقدر تخلف بسبب مرضها.. فقالت “إليسا”: «الشخص اللي بحبه بيحترم شغلي وبيغير عليا،، لو ظهرت مع شاب في كليب بيغير عليا بس بيرفض يدخل في شغلي،، حبيبي أكبر مني بسنتين أو 3 سنين،، بس مولودين بنفس اليوم وتفكيرنا وطبعا انا قريبة جدا من بعض،، وهو مش لبناني،، وغني جدًا،، وعايش دلوقتي برة،، وممكن نتجوز لأني أحب إني أكون معاه واتجوزه هو بالذات،، لكن الإنجاب مبقاش خلاص يهمني انه يكون عندي أولاد،، ومش هعلن عن اسمه دلوقتي”..
وطبعًا كلام اليسا عن حبيبها الجديد عمل جدل كبير بين المتابعين.. فتوقعوا إن حبيب “إليسا” الجديد أكيد رجل أعمال.. خاصة إنها قالت إنه غني ومعاه فلوس كتير وكمان عايش برة.. كمان إليسا تتعرض للهجوم بسبب تصريحها بأنها ممكن تعيش معاه من غير ما يجوزوا.. فيا ترى ايه رأيك في تصريحات “إليسا” عن حبيبها الجديد.. ويا ترى مين هو اللي غير وجهة نظرها في الحب وعوضها عن كل الأزمات اللي في حياتها ؟
