الفن غدار ومبعتش عفش شقتي.. أحمد عبد العزيز يفتح قلبه لجمهور في حبر سري 

قال على الفن غدار.. وعمره ما عمل بيزنس خاص.. بيرفض الرقص والمشاهد الجريئة في رمضان.. وكان نفسه يعمل الحشاشين.. احمد عبد العزيز يفتح قلبه للجمهور.. 

 غدر الفن 

الفن ملهوش امان وغدار.. بالطريقة دي وصف الفنان احمد عبد العزيز التقلبات الل بتحصل للفنانين نتيجة اعتمادها على الفن بس.. وانهم ميعملوش حسابهم بمشاريع تانيه تكون مصدر أمان مادي ليهم.. بالاضافة لعدم وجود الأمان المهني في الفن.. 

ويقول أحمد عبد العزيز.. مقصدش بموضوع الفن غدار أنه مرتبط بالناحية المادية فقط ولكن المادية والفنية والفن غدار عموما..

وده لان العمر بيجري وقرأ شخصيات كتير قدمها بعض الشخصيات اللي بتتكلم عن الفنان الل كان على ملء السمع والبصر وبعدت عنه الاضواء وبقى من فنان مشهور جدا لفنان راح عليه الزمن.. 

 اختفت لفترة

ومهنة التمثيل بتعمل كده في معظم الأحوال.. ومن الناحية المادية غدار.. وكان نفسه يعمل بيزنس بس معرفش لان الشغل في الفن كان واخد كل وقته.. 

وبسبب اختفائه لفترة وتزامن ده مع بيعه لشقته والعفش اللي فيها كان اتقال انه يمر بأزمات مادية صعبة جدا.. لكن أحمد عبد العزيز.. نفي كل ده وقال.. محصلش إني بعت شقتي القديمة.. بسبب ظروف مادية.. وما الل اتقال في الموضوع ده مجرد شائعة خبر غير صحيح استخدم لفترة طويلة..

سر بيع الشقة 

والشقة دي كانت عنده في اسكندرية وباعها عادي بدون اسباب.. واتنقل غلط انه باع عفش البيت بسبب ضائقة مالية..  وأوضح عبد العزيز.. انه مؤمن جدا إن الرزق بتاع ربنا ومن كان رزقه في ايد ربنا ميقلقش لا علي النهاردة ولا بكرة.. وطول عمره مقلتش كده.. واعترف انه اتعرض لأزمات مادية كتير في حياته.. لكن موصلتش لأنه يبيع عفش بيته..

ومن امنيات احمد عبد العزيز.. أنه يقدم شخصية طه حسين.. رغم اعترافه ببراعة احمد زكي في تقديمها وانه صعب المهمة على اي حد يقدمها بعده.. لكن قصة حياته تستفز اي فنان علشان يقدمها.. وغير طه حسين واضح ان احمد عبد العزيز عينه راحت على حسن الصباح بعد ما قدمها كريم عبد العزيز في رمضان 2024.. خاصة انه بيحب النوعية دي من الأعمال التاريخية.. 

الحشاشين

وقال عبد العزيز.. كنت أحب ألعب شخصية حسن الصباح زي اللي في مسلسل الحشاشين.. وهي شخصية تاريخية تشدني من زمان من أول قراءتي عن جماعة الحشاشين و قلعة آلموت.. واشاد باداء كريم عبد العزيز ووصفه بالجمال والبساطة.. 

وعن الانتقادات اللي يتعرض لها مسلسل الحشاشين بسبب استخدام اللغة العامية.. قال أن أي عمل وخصوصا الأعمال التاريخية بيكون هم الفنان اللي بيقدمه انه يوصل للناس..  يعني تبقى لغته سلسة ومفهومة مش معقدة.. وفيه ناس كتير بتلاقي في اللغة العربية نوع من التعقيد.. ويقولك لغة مجعلصة.. وفيه لغة عربية سلسة ورشيقة وجميلة وتتفهم من غير ما تسمع.. وهي لغة طه حسين ونجيب محفوظ وتوفيق الحكيم.. وقال ان كان ممكن المسلسل يتقدم بلغة عربية بسيطة لكن مفيش مشكلة انه اتقدم بالعامية المصرية خاصة أن جزء من الأحداث في القاهرة.. 

 لكل مقام مقال 

وعادة احمد عبد العزيز بيحب يتفرج ع مسلسلات رمضان في الاخر.. وحاليا بدأ متابعة مسلسل العتاولة لاحمد السقا لكنه تحفظ على إبداء رأي عشان مبيحبش ينقذ زملاءه..ويرفض عبد العزيز تقديم مشاهد رقص ومشاهد جريئة في رمضان.. لأن لكل مقام مقال.. 

وعن مسلسله جريمة منتصف الليل.. الل تم تأجيله مع رانيا يوسف.. قال انه مفيهوش مشاهد جريئة.. والشخصية اللي بتلعبها رانيا يوسف راقصة تتعرض لأحداث وبنتها تتعرض لمشاكل كثيرة في الجامعة بتأثر عليها احنا بنشوفها في موضوع تاني خالص غير الرقص..