محمد العمروسي لـ محمود حمدان: أحمد آدم كان غلطان في موقفه بس اللهم لا شماتة
كتبت: أميمة أحمد
كشف الفنان محمد العمروسي عن موقف جمعه بالفنان أحمد آدم في بدايته الفنية حيث قال:” البوست ده حتى لا ننسى الفضل بيننا الاستاذ احمد ادم استاذ ونجم كبير طاقة فنية وثقافية كبيرة ومن أعلام الفن المصرى ولية رصيد كبير من الاعمال اللى استمتعنا بيها وليه فى رقبتي كلمة حق انا اشتغلت مع استاذ احمد سنه ٢٠٠٥ مسرحية برهومة على مسرح الاستاذ جلال الشرقاوى وقتها كنا بندرس فى معهد فنون مسرحية ودكتور جلال هو اللى رشحنا للشغل”.
وأضاف:” ولما اشتغلت معاه وكنت حابب انى أضيف حاجه لى دورى معاه رحت وقولتله انى عايز اعمل حاجه فى الدور وقالى سمعني ولما سمع قالى حلو تعاله نجرّبه النهارده وفعلا قولنا والناس ضحكت وخدنا تسقيف كبير من الناس فرح وهو على المسرح قالى حلو ده نثبته وفى نفس السنه كنت بعرض معاه وذهبت إلى بني سويف وحصل الحادث الكبير حريق مسرح بني سوف كنت مأساه كبير كان من اول الناس اللى جتلي المستشفى ومكنش عايز يمشي وكان كل يوم يطمن عليا وبعتلي ايهاب مدير اعماله بى مبلغ كبير عشان العلاج ولما رفضت انى اخد المبلغ ايهاب كلمه وقاله محمد مش عايز ياخد الفلوس كلمني وقالى أنا عمك وزى ابوك خدهم قولتله والله أنا معايا اهلي هنا والحمدلله ولو احتاجت اى حاجه انت اول حد هكلمه”.
واختتم:” اللى أنا عايز اقوله من البوست الطويل ده اننا كلنا بنقع وبنقوم أنا عارف ان صديقى وأخويا المؤالف محمود حمدان متضايق من موقف حصل معاه زمان وعارف ان ممكن يكون استاذ احمد كان غلطان فى موقفه لكن اللهم لا شماته لان لو دامت لغيرك مكنتش جتلك وكلنا اتعرضنا لى ظلم كبير فى بدايت حيتنا لكن المسامح كريم واستاذ احمد قيمة وقامة كبير وارجو من كل السادة القائمين على الفن المصرى النظر والاهتمام بقامتها الفنية ومنستناش انه يطلب بالعكس هو اللى يطلب”.
