كنت باقي عليها لآخر لحظة ولو عاوزة تتجوز ده حلال ربنا.. أول تعليق من أحمد السقا عن أخبار ارتباط مها الصغير

كتبت: أميمة أحمد

رد الفنان أحمد السقا لأول مرة عن أخبار ارتباط زوجته الإعلامية مها الصغير بالفنان طارق صبري قائلا:” لو عاوزة تتجوز، تتجوز ده حلال ربنا وأنا ابن أصول”.

وتابع السقا خلال تصريحات صحفية:” أنا مش فاضي أرد بتلميحات ولا بوستات، أنا مشغول بالسفر، الإمارات والسعودية للحج، ومن قبلهما فرنسا”.

وأكمل:”الطلاق مش نهاية العالم، دي أم أولادي، ولو احتاجتني في أي لحظة، هكون أول واحد جنبها”.

وأضاف:”أنا ما أذيتش حد في حياتي، وبقيت على علاقتنا لآخر لحظة. لو عايزة تتجوز تتجوز، ده حلال ربنا، وأنا راجل متربي على الأصول.”

وعن حديثه عن المال الذي أنفقه عليها أوضح قائلا:”مش هتكلم في التفاصيل، بس عملت اللي عليّ وزيادة، ومستحيل أشوف حد من أهلي بيتوجع وأسكت.”

وعن أحدث أعماله اختتم:”يوم 2/7 فيلمي مع أحمد فهمي ينزل،مرعوب من ردود الفعل، الدور جديد عليّ ومتوتر كأني أول مرة أمثل، وتعاقدت أيضا على ثلاثة أفلام أخرى وهم هيروشيما، مع أحمد نادر وأيمن بهجت قمر، الديب مع محمد سلامة، ومافيا 2 مع الكبير شريف عرفة، وربنا يسعد الكل ويوفق كل الناس، وأنا مكمل ردي بشغلي.”