بعد الهجوم على مصطفى غريب.. دنيا سامي تدافع عنه “كنت بحكي بهزار” 

حرصت الفنانة الشابة دنيا سامي عن الدفاع عن مصطفى غريب بعد حملة الهجوم عليه، بسبب تصريحاتها مع الإعلامية إسعاد يونس وأنه كان يصفها بأنها “وحشه”. 

وكتبت عبر حسابها الشخصي على مواقع التواصل الاجتماعي:” بالنسبة للبوستات المنتشره اللى مشيره حلقتي مع استاذه إسعاد يونس اللى انا بقول فيها ان مصطفى غريب بيتريق عليا وبيقول عليا وحشه وده طبعاً جاب لمصطفى الكلام ..

اولاً شكراً على دفاعكوا عني بس انا اصلاً مش زعلانه من حاجه وانا ومصطفى صحاب ودفعه واحده واحنا الاتنين تمرمطنا زى بعض وانا كنت بحكي ده بهزار لاني عارفه اني قمر 

وأضافت:” مصطفى غريب ده اقرب اجدع واطيب بنى ادم فى حياتى وحياة كل صحابه ولو قعدت اتكلم عليه من هنا ل ١٠٠ سنة مش هيكفي والله قد ايه هو ظهري في الحياه ، واللى انا قولته فى البرنامج على اللى مصطفى بيقوله عليا ده هزار بين اى صحاب فى اى شله وانا الحمدلله معنديش عـقد ومش عندى عـقد هتظهر بعد كده .

وتابعت:” هو بجد مفيش حاجه واصلاً لو كملتو باقى الحلقه مع استاذه إسعاد هتعرفوا اننا مسكناه تريـقة اكتر من اللى هو بيهزر فيه معايا بكتير، ولو سمحتوا محدش فى الدنيا يشت

م مصطفى غريب غيري