حبيبة عمري كله .. وئام مجدي ترثي جدتها

رثت الفنانة الشابة وئام مجدي جدتها “تيتة نوال” بكلمات مؤثرة ومؤلمة وذلك من خلال حسابها الشخصي بموقع التواصل الإجتماعي “إنستجرام “. 

وقامت وئام بنشر فيديو يجمعها بجدتها وكتبت عليه قائلة: قد إيه أنا ممتنة لتيتة وأيامي معاها مبسوطة إني كنت دائما بحب اسمعها وهي موجودة وإن هي سبب إني أبقى أحسن مكنتيش جدة كنتى صاحبتي الأحلى والأقرب، كنتي سبب إني أطلع من حتة ضلمة أوي وزعل لضحك وهزار، وحب ناس، محظوظة بيكى وبلذاذتك وبحب الدنيا كلها ليكي آه أنا قلبي زعلان أوي، لكن إنتي مكنش ينفع تتعبي أكتر من كده إنتي متستهليش غير أن وشك ده يضحك، وده كان سبب الفيديوهات أنا واحدة كان عندي اكتئاب من ظروف.

وأضافت : إنتى الناس زعلت عليكي كأنك من عليتهم، أنا من يومها لحد دلوقتي جالي أكتر من 60 ألف رسالة الناس بتعزيني فيكي».

ربنا يرحمك يا حلوة وإنتى معايا وهفضل أشوفك وأنزل كل حاجة حلوة بينا علشان إنتي مش هتبقى وقت مؤقت في حياتي إنتي مكملة معايا طول عمري بس بقولك إيه برضو مش هتجوز يا تيتة، وزي ما كنتي بتقوليلي انتي حبيبتي لا ده انتي اللي حبيبتي وحبيبة عمري كله بحبك.