أفعى دخلت بيتها وحقيقة خيانة تامر.. بسمة بوسيل تتحدث لأول مرة عن طلاقها من تامر حسني وحلم الرجوع له

رجوعها لتامر حسني حلم يتحقق.. لسه بيحبوا بعض.. وطلاقهم كان مصيبة.. جالها تليفون أن تامر بيخونها وهو نايم جنبها.. وهجوم معجبات تامر عليها خوفها.. وسر الافعى الل دخلت بينهم.. بسمة بوسيل تفتح صندوق أسرارها ع المسرح.. 

بسمة بوسيل تفتح قلبها 

فتحت بسمة بوسيل طليقة الفنان تامر حسني وأم أولاده قلبها في اخر ظهور ليها عبر برنامج على المسرح مع الإعلامية منى عبد الوهاب.. واتكلمت عن علاقتها بتامر أسباب طلاقها.. 

وقالت بوسيل أن الانفصال عن تامر حسني كان صعب جدا.. لان هي وتامر بيحبوا بعض اوي كأشخاص ولغاية دلوقتي تامر بيطمن عليها ويسألها عملت ايه.. وعارف كل حاجه هي بتعملها.. ويشجعها انها ترجع تغني تاني.. 

 تروما

وقالت إن الطلاق بالنسبالها كان زي التروما.. وفي البلاد العربية الطلاق مصيبة مع أنه ساعات الطلاق بيكون احسن.. خاصة ان هي وتامر وصلوا لمرحلة كان عندهم مشاكل كتير ومكنش في بينهم لغة حوار.. وبعد الطلاق حست انها عاوزة تقرب من ربنا وراحت عمره 3 مرات في سنة واحدة.. 

وعن أسباب انفصالهما قالت بسمة اكتر من سبب وصل الحياة بينهم للانفصال.. منها شكل حياة تامر الصعبة والمتعبة جدا.. مش سهل انها تبقى متجوزة نجم يمثل ويغني ويسافر وعندها 3 اولاد.. في النهاية هي زوجة وعليها واجبات لازم تعملها.. ووصلت لمرحلة في حاجات مش قادرة تعملها.. 

 معجبات تامر حسني 

ده غير معجبات تامر حسني الل هاجموها بشكل غير محتمل.. وبشكل خوفها.. وصل لدرجة انهم كانوا بيروحوا قدام البيت ويقولوا لتامر طلقها.. ودي كانت من الحاجات المخيفة ليها ولاهلها ولتامر.. لان الاضواء كلها اتسلطت عليها وقتها.. 

وبتحكي كمان بسمة موقف غريب جدا غير نظرتها لكل الاخبار اللي بتتقال على تامر.. وكانت بتصدق معظمها.. بتقول ان في مرة جالها تليفون بليل بيقولها تامر في المكان الفلاني مع البنت الفلانية بيخونك.. المفاجأة بقى ان تامر كان نايم جنبها.. 

اول مرة تحس انها مبسوطة

كمان بسمة كانت طول الوقت مشغولة مع تامر والولاد ماخدتش وقت لنفسها.. واكتر حد اتأثر بده وكان زعلان عليها هو والدها.. وكان كل ما ييجى يبص عليها يقولها عاوز اشوفك سعيد.. وقبل ما يموت قالها اوعي تبطل غنى ونفسي اشوفك مبسوطه ومش عايز اشوفك متضايقه.. 

واول مرة في حياتها تحس انها مبسوطة.. لانها دلوقتي الأولوية.. لأول مرة في حياتها.. واول حاجه استوعبتها بعد الطلاق انها ازاي كانت حارمه نفسها من الغنا.. علشان كده اول حاجه غنتها بعد الانفصال اغنية بدي طير.. 

الأفعى 

وعن مدير أعمال تامر حسني السابقة.. الل قالت عليها بسمة بوسيل في ليلة فرحها خرابة بيوت.. ووصفتها بسمة انها افعى.. ودي اقل حاجه.. وقالت بسمة.. أنا بكره الغدر.. لما أدخل وسط عيلة وآكل معاها عيش وملح لازم يكون في أمانة.. وهي مكنش عندها أمانة.. واحترام للعيش والملح.. الموضوع كان عامل زي ما تدخلي أفعى في بيتك.. بجد أفعى.. 

وقالت بسمة انها مش ممكن تغفر الخيانة.. وانها مش بتغير من اي بنت احلى منها.. لكن بتغير على مشاعرها.. بتغير لما بتحس انها تستاهل اكتر من كده.. وبتحس انها كتير جدا.. وانها لما تكون مع حد لازم ياخد بالة كويس جدا ويحط عينه وسط رأسه.. 

وعن امكانية حلم رجوعها لتامر حسني قالت بسمة انه اكيد هيتحقق.. وعلاقة تامر وبسمة من أرقى العلاقات الموجودة في الوسط الفني حاليا.. بيحاولوا قدر المستطاع حتى مع الانفصال ولادهم يعيشوا في بيئة سوية.. مفيهاش مشاكل وأزمات الانفصال..