بعد السخرية عليه.. حمو بيكا يدعم حسن شاكوش: الرجولة مش بالصوت بالمواقف
كتبت: أميمة أحمد
دعم مؤدي المهرجان حمو بيكا حسن شاكوش بعد السخرية على صوته أثناء حضوره حفل زفاف نور توت.
ونشر بيكا فيديو لحسن شاكوش عبر حسابه الرسمي بـ فيسبوك وعلق عليه قائلا:”من فضلكم لازم تسمعو ولا للتنمر اللي بيهزر وبيتريق على حسن شاكوش عشان صوته تعبان”.
وتابع'” أحب أقولكم حاجة، الرجولة مش بس صوت، الرجولة مواقف وصمود وشغل وتعب وشقى عشان يوصل، شاكوش أخويا، صاحبي، عشرة سنين، راجل شاف كتير ولسه واقف على رجليه، بيغني وهو تعبان، وبيعافر وهو مجهد، وده مش ضعف، ده قوة قلب ومعدن أصيل”
وأضاف:” المطرب الحقيقي مش اللي صوته حلو وهو مرتاح، المطرب الحقيقي هو اللي بيغني من قلبه حتى لو صوته مجهد وبيفرّح الناس حتى لو هو موجوع!”.
واختتم:” الناس اللي قاعدة ورا الكيبورد تتريق، ولا واحد فيهم يقدر يوقف دقيقة مكان الراجل ده في حياته، أنا واقف معاك يا شاكوش لآخر نفس، وكلنا عارفين إنك راجع أقوى، وده وعد من حمو بيكا قدام الدنيا كلها”.
