إسلام إبراهيم .. سلمى أبوضيف كانت بتصعب عليا في “أعلى نسبة مشاهدة”

عبر الفنان الشاب إسلام إبراهيم عن سعادته بالنجاح الكبير الذي حققه مسلسل “أعلى نسبة مشاهدة” بعد عرضه في النصف الأول من سباق دراما رمضان الجاري 

تصريحات إسلام لـ one take : 

وأكد إسلام خلال لقاءه مع الإعلامي “أحمد عز الدين” في

 برنامج “خيمة one take” أنه تابع كل ردود الفعل والإشادة بشخصية “علي” في المسلسل رغم اختلافها عنه تماما قائلا “ده أغرب مدح جالي على دور وياجماعة أنا مش زي علي والله أنا طيب ومؤدب مبضربش بنات الناس ده كان مجرد تمثيل والحمدلله على نجاح الدور والشطارة اني أشوف ايه اللي جاي بعد كده” 

https://www.facebook.com/share/v/vnXafh98aUzY8Bj7/?mibextid=oFDknk

وأوضح إسلام أن نجاح المسلسل كان بسبب اهتمام المخرجة ياسمين كامل بكل التفاصيل مع كل أبطال العمل وقال “ياسمين كامل بعتبرها بطلة العمل وبحب الشغل مع المخرجين الستات زي كاملة أبو ذكري ومريم أبو عوف وياسمين كامل لأنهم بيهتموا بكل تفصيلة في العمل وياسمين صاحبة فكرة شكل ضوافر وسنان علي في المسلسل”

إشادة إسلام إبراهيم بفريق عمل “أعلى نسبة مشاهدة”: 

وأشاد إسلام إبراهيم بأبطال العمل وخصوصا سلمى أبو ضيف وليلى زاهر قائلا “ياسمين تعبت معاهم أوي وهما عاملين زي الجوهرة اللي كانت محتاجة بس حد يلمعها ويبينها وسلمى ابوضيف كانت بتصعب عليا في التصوير لدرجة إني كنت هسمي المسلسل شيماء والأوغاد”

مسلسل “أعلى نسبة مشاهدة” من بطولة سلمي أبو ضيف، انتصار، محمد محمود، إسلام إبراهيم، أحمد فهيم، فرح يوسف، ليلي أحمد زاهر، يوسف عمر ومن تأليف سمر طاهر وإخراج ياسمين أحمد كامل.