هادي الباجوري يثير الجدل من جديد: ماكذبتش لما قولت عادي مراتي تتباس في مشهد ومعنديش حاجة أتكسف منها

كتبت: أميمة أحمد

أثار المخرج هادي الباجوري الجدل من جديد بشأن سؤاله عن تصريحه بعدم رفض تقبيل زوجته في الأعمال الدرامية إذ أكد على حديثه هذا مرة أخرى.

وقال الباجوري أثناء استضافته في برنامج “سبوت لايت”:” لحد النهارده بتفرج على أفلام أبيض وأسود، إيه المشكلة بتاعة البوسة؟ عملوا منها حدوته كبيرة في فيلم قمر 14 وهي كانت بوسة حب، اللي أكتر من كده أنا مش هعمله لأن عارف عادتنا وتقاليدنا أنا فاهم أنا بعمل إيه، وأنا بتهاجم طول الوقت”.

وتابع:” ماكذبتش لما قلت معنديش مشكلة مراتي تتباس في مشهد، والناس هاجمتني وهيفضلوا يهاجموني، ومينفعش أذوق كلامي ومعنديش حاجه أتكسف منها”.

واختتم:” مينفعش تبقى ممثلة وأطلب بوسة في مشهد لازم تتعمل، أنا مقلتش تنام معه أنا قلت بوسة، فمينفعش أطلبها من ممثلة ومراتي مطلبهاش منها كدا مش حلو، حتى لو اتهاجمت، عارف الناس هتهاجمني بس مش فارق معايا لأني راجل صادق ومش منافق ومبكدبش على نفسي”.