شارك الإعلامي عمرو أديب بصورة من الذكريات مع والده وشقيقه، وعلق عليها: هذه الصورة مع والدي الكاتب الكبير عبد الحي أديب و اخي الصغير عادل فى بيتنا فى وسط البلد . كنا نسكن فى افخم شارع فيكي يا مصر ، شارع شريف ، إيجار الشقة كان ٥٥ جنيها مصرياً وهذا كان رقم كبير لأي شقة ولكن والدي كان حابب أنه يسكن فى عمارة الفنانين حيث أكبر مكاتب الإنتاج مثل فريد شوقى ومحمود المليجي .
وأضاف: كنا فى أهم مدرسة فى البلد فيكتوريا كوليدج مصاريفنا التلاتة ٢٥٠ جنيه فى السنة ، بس كان أهم حاجة بالنسبة لينا قدام صحابنا إحنا ساكنين فين .
فى وسط البلد فى أهم عمارة ، السكن كان وضع اجتماعى ، وكنا جنب كل حاجة ، كل السينمات كل المطاعم كل المكتبات ، كان ممكن ننقل فى أي شقة أكبر وأرخص لكن المكان مهم، السكن مش مجرد حيطان أو بيبان السكن هوية وشخصية.
