رحمة أحمد تكشف رأيها عن الأدوار الجريئة: مش بتتعرض عليا وكل واحد حر
كتبت: أميمة أحمد
كشفت الفنانة رحمة أحمد عن رأيها في مصطلح السينما النظيفة وعن تقديمها لأدوار جريئة حيث قالت:” عمرها ما اتعرضت عليا”.
وتابعت رحمة أثناء لقائها في بودكاست “عالهادي فالكلام” من تقديم الإعلامية سالي عبد السلام:”مش فاكرة إني قلت أني مبحبش أعمل أدوار جريئة بس أنا مش بيتعرض عليا نوعية الأدوار دي”.
وأضافت:” أنا بشوف أن كل واحد حر تماما في الدور اللي بيقدمه أي فنان حر ولا أملك أي شيء إني أحكم على حد وبالتالي محدش يحكم عليا، أنت براحتك اعمل النوعية اللي بتريحك وأنا هعمل النوعية اللي بتريحني”.
واختتمت:” أنا مفهمش يعني إيه سينما نضيفة أو مش نضيفة لو عايزين يسموها كده تمام، أنا لا أملك إني أحكم على تصرفات فنان أو فنانة تحت أي بند أو ضغط”.
يذكر أن آخر أعمال الفنان رحمة أحمد كان مشاركتها في السباق الرمضاني الماضي بمسلسلي “٨٠ باكو” و”الكابتن” وقد حققت نجاحا لافتا من خلالهما.
