توأمه داعية إسلامي.. عمرو عبد الجليل والشيخ أيمن فولة واتقسمت نصين
توأمه داعية إسلامي.. عمرو عبد الجليل والشيخ أيمن فولة واتقسمت نصين
![](https://onetakeeg.com/wp-content/uploads/2024/03/IMG-20240317-WA0189.jpg)
فولة واتقسمت نصفين متطابقين في الشكل ومختلفين في الأهداف وعلى رأي اللي قال صحيح البطن قلابة مش هتصدق مين هو توأم الفنان عمرو عبد الجليل
فرق السن بينهم دقائق
بطن واحدة شالت الاتنين فرق السن بينهم دقايق معدودة، والفرق في الشبه يكاد يكون معدوم،لدرجة أن والدهم نفسه كان بتتلخبط بينهم، وفي فيديو عن الفرق بين الرب والإله، انتشر على مواقع التواصل الاجتماعي، من خلال حسابه اسمه ابو سفيان.. يتابعه حوالي 152 ألف جنية، واللي ظاهر في الفيديو بيتكلم المفروض انه الفنان عمرو عبد الجليل..
ومع موضة الذكاء الاصطناعي الناس قالت ان الفيديو مليون في الميه معمول AI او ده دور جديد للفنان عمرو عبد الجليل.. بس المفاجأة كانت أن الل قدامكم ده.. مش نجم الدراما والكوميديا لا ده الداعية الاسلامي أيمن عبد الجليل، وزي ما توقعت بالظبط هو توأم الفنان عمرو عبد الجليل
أول ظهور
ودي مش اول مرة يظهر ولا اول مرة يتكلم عنه الفنان عمرو عبد الجليل.. في يونيو 2013.. عمرو عبد الجليل فاجأ الجمهور لما ظهر مع الشيخ أيمن عبد الجليل الداعية الإسلامي.. على إحدى القنوات الدينية.. في دعوة لمنع العنف قبل ثورة 30 يونيو.. ووقتها الناس تفاجأت من التطابق في الشبة.. وكانت المفاجأة إنهم توأم..
وقال عمرو إن كل واحد فيهم بيحترم اتجاه التاني.. وميوله.. رغم ان ايمن بدأ بعزف العود والغنا والتمثيل وعمرو اتعلم منه.. إلا أنه اعتزل بعد كد وأطلق لحيته
محدش بيعرف يفرقهم
ولحد المرحلة الاعدادية مكانش حد بيعرف يفرقهم عن بعض.. حتى القريبين منهم.. وبيحكي عمرو عبد الجليل عن بعض المواقف الطريفة التي حصلت بينهم بسبب الشكل الكبير بينهم.. وصلت لانه كان بيروح لواحده وياخد المصروف اليومي ويرجع يغير هدومه و يروحله تاني باعتباره ايمن.. وياخد المصروف مرة تاني..
ووالدهم مكانش بيعرفهم من بعض وكان بيسأل كل واحد فيهم لما يقابله.. انت ايمن ولا عمرو.. كان يشككه في نفسه.. وكان يصاحب أصحاب اخوه التوأم وكان دايما يقلده في كل حاجه.. لدرجة انه كان السبب في دخوله عامله الفن..
واتصدر الشيخ أيمن مؤخرا التريند بعدد من الفيديوهات الل نشرها على حسابه على تطبيق تيك توك.. من خلال حسابه الل باسم ابو سفيان..
الفرق بين الحمد والشكر
وفي واحد من الفيديوهات التي ظهر فيها ايمن عبد الجليل كان بيتكلم عن الفرق بين الحمد والشكر وهو فرق كبير جدا.. واستشهد في الفيديو بصفة العدل كصفة كمال.. ولازم يكون لله صفات زي الكمال والرحمة والحياة ده غير انه اتكلم في إن حياتنا محدودة بزمن والإنسان يموت ويعطش ويخاف ويسجن زيد رغب ويجوع.. وكل دي نواقص في حياتنا لكن الله ليه الحياه وكمال الحياة.. ومفيهاش نقص في أي شكل من الأشكال وده باختصار معنى كلمة الحمد لله.
أتفاعل بشكل كبير الجمهور مع الشيخ أيمن.. الل ابهرهم باختلاف التوجه بينه وبين اخوه الفنان عمرو عبد الجليل.. الل كانت له اعمال كتير بتختلف تماما مع اللي بيعمله الشيخ أيمن.. وعلى رأي متابعين الشيخ أيمن.. صحيح البطن قلابة.