“ما عدوك إلا ابن كارك”.. بالجملة ده بدأ رامز جلال مقلبه الجديد.. واللي قرر يعمله في اتنين من أشهر مطربين المهرجانات الشعبية، وهما حمو بيكا وكزبرة.
واللي كان بينهم خلافات غير مباشرة، بسبب إنهم بيشتغلوا في أغاني المهرجانات، وكانوا بينفسنوا على بعض،وكل واحد فيهم شايف نفسه يغني احسن من التاني وعشان كدا “رامز” قرر يجمعهم عشان يواجهوا المقلب مع بعض.
النفسنة والصغيرة بين كزبرة وحمو بيكا:
والنفسنة والغيرة اللي بينهم تدوب،وفعلا اتفاجئ كزبرة وبيكا إنهم في المقلب مع بعض وفي أوضة واحدة، والمقلب كان هيقلب خناقة بجد بينهم، بسبب إن كل واحد بيحاول يمسك في التاني لحد ما كانوا هيتعور،لكن بعد ما “كزبرة” شاف بيكا في وضع صعب، رجعوا اتصالحوا على بعض تاني، وبقي بيحاول يسنده، وواجهوا الاتنين المقلب مع بعض.
وكمان غنوا مع بعض في الحلقة،عشان “رامز” يرضى يسيبهم، واتقلبت النفسنة اللي بينهم لـ “صلح”، فيا ترى هنشوف بيكا وكزبرة بيعملوا أغنية مع بعض، بعد ما اتصالحوا على بعض في برنامج “رامز” ؟.
آخر أعمال كزبرة:
ويذكر أن آخر أعمال كزبرة هو فيلم “الحريفة” الذي حقق نجاحاً كبيراً في دور العرض السينمائية المصرية والعربية، ويشارك في بطولة العمل مجموعة من النجوم الشباب أبرزهم نور النبوي، أحمد غزى، ميدو، بيومي فؤاد، وغيرهم.
كما ينتظر كزبرة عرض مسلسل “كوبرا”الذي من المقرر عرضه في النصف الثاني من رمضان، والعمل من بطولة النجم محمد إمام.
