مش مصدقة إن الوقت جري كده.. ملك زاهر توجه رسالة مؤثرة لشقيقتها بعد حفل زفافها

كتبت: أميمة أحمد

وجهت الفنانة ملك زاهر لشقيقتها ليلى زاهر رسالة مؤثرة لعد حفل زفافها حيث نشرت فيديو لهما يجمع الكثير من ذكرياتهم ولحظات الطفولة وعلقت عليه قائلة:”و محدش فيهم عاش الي انا و انتي عشناه”

وتابعت:” من أول ضحكة وإحنا اطفال لحد لحظة كتب كتابك، كل لحظة في الفيديو ده هو عمر كامل بينا، هو حب، و أمان، وضحك، و مشاركة، علاقتي انا و انتي مش شبه أي حد”.

وأضافت:” مش مصدقة إن الوقت جري كده، كنّا لسه صغيرين، وبنتخانق على اللبس، وبنستخبى من ماما، وفجأة، لقيتك لابسة فستانك الأبيض، أحلى عروسة شافتها عيني”.

وأكملت:” أنا بحبك أوي، حب مفيهوش شروط ولا حسابات، مع إن الفرق بيننا مش كبير، أقل من سنة بس طول عمري حاسة إنك بنتي مش أختي، امبارح بنتي الي كانت بتتجوز مش اختي، وأنا الفرحة مش سيعاني، بس في نفس الوقت وحشتيني قوي من دلوقتي”.

واختتمت:” إنتي مش بس أختي حبيبتي، إنتي أحلى حاجة حصلتلي في حياتي، وهفضل دايمًا أقرب واحدة ليكي، أحنّ حضن، وسند من غير كلام، ربنا يسعدك يا روحي، ويخليكي دايمًا قلبك مرتاح مع عريسك الي ربنا يحفظهولك ويفضل يسعدك العمر كله، وانا دايمًا جنبك في كل خطوة، بحبك يا عروستي الحلوة، اللهم احفظ أختي وزوجها من كل سوء، وبارك لهما في حياتهما، واصرف عنهما الحسد والشر، وأدم عليهما السكينة والمودة”.