فن
أول رد من محمد رمضان بعد انتقاد ملابسه في “كوتشيلا”: اللي عارفني عارف إني عمري ما لبست ست ولا في فيلم ولا مسلسل
كتبت: أميمة أحمد
رد الفنان محمد رمضان على جدل إطلالته في حفله بمهرجان كوتشيلا.
ونشر محمد رمضان فيديو عبر حسابه الرسمي بـ إنستجرام قال من خلاله:” أنا أجلت الرد لأني كنت مشغول في حفلتي التانية بمهرجان كوتشيلا، الحفلة اللي شايل فيها اسم بلدي وجمهوري اللي في ضهري”.
وتابع:” اللي عارفني عارف إني عمري ما لبست ست لا في فيلم ولا في مسلسل مع كامل احترامي للفنانين اللي بيعملوا كده”.
وأضاف:” جمهوري اللي حافظني عارف إني لبست حلق مرة في فيلم ومرة في كليب، لكن في الحقيقة عمره ما لبس حلق ولا هيلبس حلق، جمهوري اللي حافظني وعارف محمد رمضان أكيد عارف إن محمد رمضان مايقصدش يطلع بالشكل اللي اترجم بيه على السوشيال ميديا، احنا كان الغرض يكون حاجة فرعوني وفريدة كتر خيرها يمكن مكنش معاها جنيهات زيادة يطول شوية”.
واختتم:” جمهور محمد رمضان اللي حافظينه مايلبسش “ملابس نساء”.
