محمد صبحي : بقالى 18 سنه مدخلتش ماسبيرو واللى بيحصل في الدراما عبث ” 

يقام الآن فعاليات مؤتمر مستقبل ماسبيرو للدراما بحضور مجموعة كبيرة من النجوم أبرزهم محمد صبحي ومحمود حميدة ومجموعة من النجوم. 

وجاءت أبرز تصريحات محمد صبحي خلال مؤتمر الدراما المصرية بماسبيرو:

بقالي ١٨ سنة مدخلتش ماسبيرو، ومن العبث دخول المسلسل ب٣ حلقات والبطل مش عارف هيعمل ايه، أنا ضد فكرة الورش في المسلسلات و أهدرت ريادة الدراما المصرية، كنا بنرفض نسافر بره مصر من أجل التلفزيون المصري. 

وأضاف صبحي:” الفنان مش بيتسعر زي البنزين لكن مفيش مانع يكون في تصنيفات، كفانا إعلانات مستفزة عن المنتجعات، مش همسح من ذاكرتي الذهنية جمهورية مصر العربية اللي كنا بنشوفها على التلفزيون المصري.

وأختتم تصريحاته:” لابد من عمل خريطة بداية ال٦٠.. لتوصيل رسائلنا، كرامتي فوق في السما ومحدش يلوي ذراعي، لو رجعتني اشتغل لماسبيرو لو ب٤٠ جنيه.. انا هوافق.