مستوحى من عقدة أوديب.. ملخص أداء أحمد العوضي في حق عرب بعد عرض الحلقات الأولى
مستوحى من عقدة أوديب.. ملخص أداء أحمد العوضي في حق عرب بعد عرض الحلقات الأولى
![](https://onetakeeg.com/wp-content/uploads/2024/03/Screenshot_٢٠٢٤٠٣١٥-١٢٥٣١٦2.png)
سلوى عثمان ضربته بالقلم بجد.. عايش الدور كأنه حقيقي.. بسيط ومحترف.. وردة فعله حقيقية جدا.. الجمهور مبهور بحق عرب أحمد العوضي..
قلم حقيقي
في مشهد حقيقي لمس قلوب الجمهور.. ابدع فيه أحمد العوضي والفنانة سلوى عثمان.. بعد ما حصلت مشادة بين العوضي وامه في حق عرب سلوى عثمان.. ووسط الكلام عايرها بأنها بائعة جرجير.. كان لازم تضربه بالقلم.. والمشهد وصل لقلوب الجمهور علشان القلم كان بجد..
وقالت عنه سلوى عثمان في تصريحات صحفية.. القلم كان بجد.. وعيدنا المشهد مرة تانية لأن المخرج كان عايزه حقيقي وأنا مكنتش عايزه أضربه قوي.. وبعد المشهد العوضي قالها القلم بيوجع اوي لكن حلو هيخلي المشهد حقيقي..
واقعي وبسيط
وكان بعد المشهد ده.. مشهد تاني مليان حنيه و دراما.. بعد ما العوضي حاول يراضيها بعد الل حصل وطلب منها تسامحه.. وبينها حبه الشديد وطلب منها تدعيله..
ومن أهم آراء الجمهور في أداء أحمد العوضي ومسلسل حق عرب.. انه ازاي بيتعامل مع الشخصية اللي بيقدمها وكأنها شخصية حقيقية في الواقع.. وقد ايه بيلعبها ببساطة وحرفيه عاليه.. بيعيش الدور بكل تفاصيله حتى في نظرات عينيه.. وكل حركة في الشخصية حرفيا..
عرب السويركي
ومع توالي الأحداث في مسلسل حق عرب.. يزيد الصراع في حياة عرب السويركي.. الل بيتحط في موقف انه لازم يتخلص من المعلم عبد ربه الذي يجسد شخصيته الفنان رياض الخولي.. قبل ما يقرر العوضي انه يرجعله الفلوس اللي اخدها ويعترف له بالل حصل.. ف تزيد الثقة بينهم ويخليه واحد من رجالته..
https://www.facebook.com/share/v/spM59nF3pbqrC9kA/?mibextid=oFDknk
طلع ابنه
لكن الأحداث التي بدأ بها المسلسل في مرحلة التسعينات وخلالها استخدم المخرج تقنية تصغير العمر.. علشان يخلي الأبطال في سن أصغر.. وخلالها ظهر أن الفنان رياض الخولي يحلم بكابوس يفسره الدجال بانه لو خلف ولد هيقتله.. وده اللي بيخليه يقرر ان يقتل ابنه في حالة ان مراته الحامل خلفت ولد.. وبيحكي لمراته الل بتخليه يسافر وبتولد وبتبدل الولد ببنت عشان يطمن انه مخلفش ولاد..
ومع احداث الحلقة التالتة يتضح ان احمد العوضي هو نفسه ابن رياض الخولي.. وان البنت اللي تبدلت بنت سلوى عثمان.. وده بيبان لما الداية التي ساعدت والدة العوضي الحقيقية.. في أنها تبدله.. وطلبت منها مليون جنيه تمن سكوتها..
عقدة أوديب
والبعض شاف ان المسلسل مستوحى من عقدة أوديب.. وهي اسطورة اغريقية قديمة بتقول ان احد العرافين.. تنبأ لملك يوناني بأنه هيخلف ولد.. بعد ما يكبر هيقتله.. ويتجوز مراته ويحل محله في الحكم.. ولما جه ميعاد ولادة الطفل أمر الملك اليوناني الخادم بالتخلص من الطفل بدق مسامير في رجليه ورميه من فوق الجبل.. لكن الخادم بيصعب عليه الطفل الصغير.. في بيعه لأحد الرعاة في محيط الجبل.. ويشتريه ملك تاني و بيرعاه لحد ما بيكون شاب يدخل في صراع مع والده ويقتله فعلا وبيتجوز من زوجته من غير ما يعرف انها امه..