أول رد من أصالة بعد إغلاق عيادة ابنتها شام في مصر 

قررت الحكومة المصرية إغلاق عيادة شام الذهبي ابنه أصالة في القاهرة، وذلك بعد تبينها أنها تحتوى على أجهزة وأدوية غير مرخصة. 

وتضمن المحضر الرسمي الذي حررته اللجنة مجموعة من المخالفات من بينها استخدام أجهزة طبية غير مرخصة، بالإضافة إلى وجود أدوية غير مسجلة لدى هيئة الدواء المصرية، وهو ما يُعد خرقاً للقوانين واللوائح المنظمة لمزاولة المهنة في هذا المجال.

وعلقت أصالة على الأمر من خلال منصة أكس وقالت :” ‏كتير مرّينا أنا والولاد بإمتحانات صعبة وأيام أصعب وبكلّ مرّه ماكان عندي شكّ بعدل رب العالمين وكانت حياتي من بداياتي لليوم عباره عنّ جمله بتقول ( الناس الأشرار قلال بس بيوجعوا ولازم دائماً مهما كترت الجروح والصدمات نقارنهم بالكتار ونتذكرهم لنعرف إنهم مهما كتروا قلال ) ونحنا اليوم بإمتحان من هالإمتحانات وبيمرّ ورح يمرّ وشام هيي النّور اللي مضوّي حياة آلاف البشر أنا منهم.

بنتي الملاك رح تبقى ملاك ومارح يوجعها أكتر من وقته الوجع ودواها نحنا أهلها اللي كان إلنا سعادة تكون شام منّا وفينا شام حبيبة الحياة وأهلها طاقة العلم والتهذيب والعطاء عم تمرق منّ شارع ضيّق بهالحياة اللي فيها شوارع مضوايه بأهل أنتوا منهم ياطيبين ياأهلنا وأصحابنا وناسنا .

 وهالشارع مهما ضاق رح يخلص ورح تطلع منّه منّ غير ماتشوف وراها أو حتّى تتذكّر شو كان هالمرور صعب ومافي مرور إلًا تصادفه عثرات والعثرات بتكبر وبتكتر لمّا هالمرور منّ رحلة هالحياة بيكون مو عادي ونجاح شام مو عادي ومرورها بهالحياة أكيد حيصادفه عثرات وأكيد حيكون فيه صعوبة حتّى بتحقيق السهل ..

كلّ القلوب الحلوه ياحلوة الحلوات معك ويدعمك وقلبي قبل إيدي وروحي ملكك وتحت أمرك وبدعي لك وبتوسّل ربّي برحمته يحتويكي ..وبتصير أشياء بتكون عكس شو توقعنا وبتصدمنا لتقوّينا وترجًعنا أحلى وأقوى وأحنّ وأهدى وشامي الحلوه حلوه وهاديه وإنسانه وكلّ طاقات الفرح والفرج رح تتهيّأ لها والله مع المخلصين .