عيب تنكر أبوك كله بسبب شيرين.. لأول مرة والد حسام حبيب يكشف لـ one take سر الخلاف بينهما
كشف والد حسام حبيب لأول مرة في تصريح خاص لـ one take عن خلافه مع نجله حيث قال:” حسام مقاطعني عشان كنت بدافع عنه قدام شيرين لما كانت بتهينه، فزعل مني إزاي أنا بدافع عنه أحسن شيرين تزعل منه”.
وتابع:” قاطعني علانا مع عمرو أديب، قال الراجل ده أنا معرفهوش من سن ١٤ سنة، أمال مين اللي دخلك الفن، ومين كان بيصرف عليك ومين اللي دخلك الجامعات، ومين وأنت كبير كده كان بيصرف عليك وانت متجوز شيرين عبدالوهاب وبتاخد مني الالافات عشان تصرف على نفسك وعليها”.
وأكمل:”عيب تنكر أبوك، أنت فاكر لما تنكر أبوك ربنا هيكرمك، جه مرة عايرني قصاد شيرين وقالي شوف أنا لما اكبر هعامل ولادي إزاي، أهو ربنا حرمك من الخلفة”.
وأضاف:” وبعدين أنا مش وحش معاك في شيء، لو كنت وحش معاك كنت نصرتك وأنت ظالم لنفسك، ولغيرك إنما أنا طول عمري بنصحك لوجه الله سبحانه وتعالى”.
واختتم:”مش عاوز منك حاجة إلا إنك تكون ان٦سان صالح، صالح لنفسك، وللمجتمع ولشريكة حياتك، إنما أنت من فشل لفشل، يا ما نصحته ويااما اتكلمت معاه، أنت راجل فنان وشكلك حلو وفيك صفات حلوة.. مالك عامل في نفسك كده ليه، أشغل نفسك بشغلك الأول، أنت ابني ومعنديش أغلى منك ونفسي اشوفك في أحسن حال”.
